తమిళ నటుడు కార్తి ప్రధాన పాత్రలో దర్శకుడు పరశురామ్ ఓ సినిమాను తెరకెక్కిస్తోన్న సంగతి తెలిసిందే. తాజాగా ఈ సినిమాకి సంబంధించిన లేటెస్ట్ అప్డేట్ బయటకొచ్చింది. అదేంటంటే.. ఈ సినిమాకి ‘రెంచ్ రాజు’ అనే టైటిల్ ఫిక్స్ చేశారట. అనిల్ సుంకర ఈ సినిమాకి నిర్మాతగా వ్యవహరించనున్నారు. మే లేదా.. జూన్ నెలలో ఈ సినిమా సెట్స్ పైకి వెళ్లే అవకాశాలు ఉన్నాయి. టైటిల్ ని బట్టి ఈ సినిమాలో కార్తి మెకానిక్ గా కనిపించనున్నారని టాక్.
నిజానికి దర్శకుడు పరశురామ్ ముందుగా విజయ్ దేవరకొండతో సినిమా ఓకే చేయించుకున్నారు. దీనికి సంబంధించిన అఫీషియల్ అనౌన్సమెంట్ కూడా వచ్చింది. విజయ్ తో సినిమా తీసిన తరువాత కార్తితో సినిమా ఉంటుందని అనుకున్నారు. కానీ ఇప్పుడు అనుకోకుండా కార్తి సినిమా ముందుకొచ్చింది. ఇది పూర్తయిన తరువాతే విజయ్ దేవరకొండతో సినిమా ఉంటుంది. మరోపక్క అల్లు అర్జున్ తో పరశురామ్ ఓ సినిమా ఓకే చేయించుకున్నారనే వార్తలు వస్తున్నాయి. ‘పుష్ప2’ తరువాత బన్నీ.. పరశురామ్ తో సినిమా చేస్తారని ప్రచారం జరిగింది.
కానీ అందులో నిజం లేదని తెలుస్తోంది.గీతాఆర్ట్స్ బ్యానర్ లో పరశురామ్ ఓ సినిమా చేయాలి. అందులో విజయ్ దేవరకొండ హీరోగా నటించాల్సివుంది. అయితే ఊహించని విధంగా ఆ సినిమా దిల్ రాజు చేతుల్లోకి వెళ్లింది. దీంతో పరశురామ్ కి అల్లు అరవింద్ తో విబేధాలు ఏర్పడ్డాయి. ఈ విషయాన్ని కూల్ గా సెటిల్ చేసుకోవడానికి పరశురామ్ చాలా విధాలుగా ప్రయత్నాలు చేస్తున్నారు.
అందుకే ప్రస్తుతానికి విజయ్ దేవరకొండ ప్రాజెక్ట్ పక్కన పెట్టి కార్తి సినిమాను ముందుగా మొదలుపెట్టాలని చూస్తున్నారు. కార్తితో సినిమా పూర్తయ్యేసరికి గీతాఆర్ట్స్ తో వ్యవహారం సెటిల్ అయ్యే ఛాన్స్ ఉంది. గీతాఆర్ట్స్ లో కచ్చితంగా పరశురామ్ ఓ సినిమా చేస్తారు.. అయితే అందులో హీరో ఎవరనేది మాత్రం ఇంకా ఫైనల్ కాలేదు.
సార్ సినిమా రివ్యూ & రేటింగ్!
‘గజిని’ మూవీ మిస్ చేసుకున్న హీరోలు ఎవరంటే?
టాప్ 10 రెమ్యూనరేషన్ తెలుగు హీరోలు…ఎంతో తెలుసా ?
కళ్యాణ్ రామ్ నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?
Home