రోబో సీక్వెల్ లో ఎందుకు నటించలేదంటే ?

హీరో, విలన్ పాత్రల్లో మెప్పించిన విశ్వ నాయకుడు కమల్ హాసన్. ఇదే ఆలోచనతో శంకర్ రోబో’ సీక్వెల్ ‘2.0’లో విలన్ గా నటించమని కమల్ హాసన్ ని కోరారు. కాని అందుకు కమల్ ఒప్పుకోలేదు. ఈ సంగతి మీడియా ద్వారా లీక్ కావడంతో చర్చ మొదలైంది. రోబో సీక్వెల్ లో విలన్ గా కమల్ ఎందుకు నటించనన్నాడు? అనే విషయం సోషల్ మీడియా హాట్ టాపిక్ అయ్యింది. ఇష్టం వచ్చినట్లు ఎవరికీ వారు కామెంట్లు చేశారు. వీటికి అడ్డు చెప్పాలని ఉత్తమ విలన్ స్పందించారు.

“నాకు విలన్ పాత్రలు చేయడం కొత్తకాదు. శంకర్ సినిమాలో విలన్ అంటే నటించడానికి చాలా స్కోప్ ఉంటుంది. అయినా వద్దు అన్నానంటే దాని వెనుక పెద్ద కారణం ఉంది. అది ఏమిటంటే “రోబో 2.0″ లో రజనీ కాంత్ హీరో. అతనికి ఎక్కువ పారితోషికం ఇవ్వాలి. అందులో నేను చేరానంటే నాకు మార్కెట్ రేటు ఇవ్వాల్సి ఉంటుంది. మా ఇద్దరి కోసం బడ్జక్ట్ కరిగిపోతుంది. ఇక సినిమా నిర్మాణానికి వ్యయం తగ్గిపోతుంది. అలా చేయడం ఇష్టం లేక నేను చేయన్నాను” అని కమల్ హాసన్ స్పష్టం చేశారు.

రోబో 2.0 లో విలన్ గా బాలీవుడ్ హీరో అక్షయ్ కుమార్ నటిస్తున్నారు. డాక్టర్ రిచార్డ్ గా విభిన్నమైన లుక్ తో భయ పెట్టనున్నారు. తమిళ్, హిందీ భాషల్లో ఒకే సారీ రూ. 350 కోట్లతో నిర్మిత మవుతున్న ఈ సినిమాలో హీరోయిన్ గా అమీ జాక్సన్ నటిస్తోంది. ఈ చిత్రం శర వేగంగా షూటింగ్ జరుపుకుంటోంది.