నీదీ నాదీ ఒకే కథకి పాజిటివ్ రెస్పాన్స్!

ప్రతి శుక్రవారం రెండుమూడు సినిమాలు విడుదలవుతుంటాయి. అయితే వాటిలో ఎవరో ఒకరు మాత్రమే విజయం సాధిస్తారు. ఒక్కోసారి ఇద్దరు ముగ్గురు విజయం సొంతం చేసుకొన్న సందర్భాలు ఉన్నప్పటికీ అది చాలా రేర్ గా జరుగుతుంటుంది. నిన్న విడుదలైన చిత్రాల బాక్సాఫీస్ రిజల్ట్స్ చూస్తే.. ఈవారం కూడా ఇద్దరు విన్నర్ లు ఉన్నట్లు తెలుస్తోంది. “నీదీ నాదీ ఒకే కథ” ప్రేక్షకుల, విమర్శకుల ప్రశంసలు అందుకొని మంచి విజయం సాధించే దిశగా దూసుకుపోతుంటే.. “ఎమ్మెల్యే” మంచి కలెక్షన్స్ తో హిట్ దిశగా పయనిస్తోంది. ప్రస్తుతానికి ఈ రెండు సినిమాలనూ హిట్స్ గా పేర్కొనవచ్చు. అయితే.. ఎక్కువగా ఆదరణ చూరగొన్న శ్రీవిష్ణును మాత్రం ఈ వీకెండ్ విన్నర్ అని చెప్పాలి.

“రాజరధం, ఆనందం” అనే మరో రెండు అనువాద చిత్రాలు విడుదలైనప్పటికీ అవి జనాలకి పెద్దగా ఎక్కలేదు. ఆంగ్ల చిత్రం “పసిఫిక్ రిమ్” కూడా ప్రేక్షకుల్ని పెద్దగా ఆకట్టుకోలేకపోయింది. దాంతో హిందీ చిత్రం “హిచ్ కీ” మాత్రం మంచి పాజిటివ్ టాక్ సొంతం చేసుకొని ఓపెనింగ్స్ కూడా సంపాదించింది.