జూలై నెలలో రిలీజ్ అయిన సినిమాలు ఏవీ కూడా సక్సెస్ అవ్వలేదు. అంతకు ముందు జూన్లో రిలీజ్ అయిన విక్రమ్, మేజర్ చిత్రాలు తప్ప మిగిలిన సినిమాలు అన్నీ ఫ్లాప్ అయ్యాయి. అయితే ఆగస్టులో రిలీజ్ అయిన ‘బింబిసార’ ‘సీతా రామం’ ‘కార్తికేయ2′ వంటి చిత్రాలు బ్లాక్ బస్టర్లు కొట్టాయి.’మాచర్ల నియోజకవర్గం’ ‘లైగర్’ చిత్రాలు ప్లాప్ అయినా మొదటి రోజు మంచి ఓపెనింగ్స్ సాధించాయి. ‘కోబ్రా’ కూడా మంచి ఓపెనింగ్స్ సాధించింది. అయితే సెప్టెంబర్ మొదటి వారం రిలీజ్ అయిన సినిమాలు నిరాశపరిచాయి. మెగా హీరో వైష్ణవ్ తేజ్ నటించిన ‘రంగ రంగ వైభవంగా’ ‘ఫస్ట్ డే ఫస్ట్ షో’ వంటి చిత్రాలు మొదటి షోతోనే ప్లాప్ టాక్ ను మూటగట్టుకున్నాయి. ఈ క్రమంలో సెప్టెంబర్ రెండో వారం విడుదలయ్యే సినిమాల పై జనాల ఫోకస్ పడింది.ఈ వారం థియేటర్లలో 8 సినిమాలు రిలీజ్ అవుతున్నాయి.థియేటర్ కు పోటీగా ఓటీటీలో కూడా ఎక్కువ సినిమాలు రిలీజ్ అవుతున్నాయి. ఒకసారి అవేంటో ఓ లుక్కేద్దాం రండి :
ముందుగా థియేటర్లలో రిలీజ్ కాబోతున్న సినిమాలు :
1) ‘కెప్టెన్’ : తమిళ హీరో ఆర్య నటిస్తున్న ‘కెప్టెన్’ సెప్టెంబర్ 8న… విడుదల కాబోతుంది. ఐశ్వర్య లక్ష్మీ, సిమ్రాన్, హరీష్ ఉత్తమన్, కావ్య శెట్టి, గోకుల్ నాథ్ వంటి వారు ఈ చిత్రంలో ముఖ్య పాత్రలు పోషించారు. శక్తి సౌందర్ రాజన్ ఈ చిత్రానికి దర్శకుడు. ‘థింక్ స్టూడియోస్ అసోసియేషన్‌తో’ నిర్మాణ సంస్థ ‘ది స్నో పీపుల్’ పతాకంపై ఆర్య ఈ చిత్రాన్ని నిర్మించారు. తెలుగులో ఈ చిత్రాన్ని ‘శ్రేష్ఠ్ మూవీస్’ ద్వారా ప్రముఖ నిర్మాత, డిస్ట్రిబ్యూటర్ & హీరో నితిన్ తండ్రి సుధాకర్ రెడ్డి విడుదల చేస్తున్నారు. ట్రైలర్ ఆకట్టుకోవడంతో సినిమాపై మంచి అంచనాలు నెలకొన్నాయి.
2) 3(త్రీ) : ‘పోకిరి’ ‘ఘరానా మొగుడు’ ‘జల్సా’ లానే ధనుష్, శృతి హాసన్ జంటగా… రజనీకాంత్ కుమార్తె ఐశ్వర్య దర్శకత్వం వహించిన ‘త్రీ’ సినిమా కూడా సెప్టెంబర్ 8న రీ రిలీజ్ కాబోతుంది. నిర్మాత నట్టి కుమార్ ఈ చిత్రాన్ని విడుదల చేస్తున్నారు.
3) బ్రహ్మాస్త్రం :ఈ వారం ప్రేక్షకులకు ఫస్ట్ ఛాయిస్ గా మారిపోయింది ‘బ్రహ్మాస్త్రం’. ర‌ణ్‌బీర్‌ కపూర్ , ఆలియా భట్ జంటగా నటించిన ఈ చిత్రానికి దర్శక ధీరుడు రాజమౌళి సమర్పకులుగా వ్యవహరిస్తుండగా అక్కినేని నాగార్జున కీలక పాత్ర పోషిస్తున్నారు. చిరంజీవి ఈ చిత్రానికి వాయిస్ ఓవర్ అందించారు .
4) ఒకే ఒక జీవితం : శర్వానంద్ హీరోగా రూపొందిన ‘ఒకే ఒక జీవితం’ అనే ద్విభాషా చిత్రం కూడా తెలుగు, తమిళ భాషల్లో సెప్టెంబర్ 9న విడుదల కాబోతుంది. అమల అక్కినేని కీలక పాత్ర పోషించిన ఈ చిత్రంలో రీతూ వర్మ హీరోయిన్ గా నటించింది. వెన్నెల కిషోర్, ప్రియదర్శి కూడా ముఖ్య పాత్రలు పోషించారు.
5) కొత్త కొత్తగా : ‘ఫన్ ఫుల్ ఎంటర్‌టైన్‌మెంట్స్’ బ్యానర్ పై అజయ్‌, వీర్తి వఘాని, హీరో హీరోయిన్లుగా, హనుమాన్ వాసంశెట్టి దర్శకత్వంలో మురళీధర్ రెడ్డి ముక్కర నిర్మిస్తున్న యూత్ ఫుల్ ఎంట‌ర్‌టైన‌ర్‌ `కొత్త కొత్తగా’. బి జి గోవింద రాజు ఈ చిత్రాన్ని సమర్పిస్తున్నారు. సెప్టెంబర్ 9న ప్రేక్షకుల ముందుకు రాబోతుంది ఈ మూవీ.
6) అమృత : ఈ మూవీ కూడా సెప్టెంబర్ 9న విడుదల కాబోతుంది.
7) రహస్య : నివాస్ శిష్టు, సారా ఆచార్ జంటగా నటిస్తున్న ఈ మూవీని శివ శ్రీ మీగడ దర్శకత్వం వహించాడు.’SSS ఎంటర్‌టైన్‌మెంట్స్’ బ్యానర్‌పై గౌతమి.S ఈ చిత్రాన్ని నిర్మించారు. సెప్టెంబర్ 9న ఈ మూవీ ప్రేక్షకుల ముందుకు రానుంది.
8) శ్రీ రంగాపురం : ఈ మూవీ కూడా సెప్టెంబర్ 9న ప్రేక్షకుల ముందుకు రానుంది.
ఓటీటీలో రిలీజ్ కాబోతున్న సినిమాలు :
9) సీతా రామం : దుల్కర్ సల్మాన్, మృణాల్ ఠాకూర్ జంటగా నటించిన ఈ మూవీ థియేటర్లలో సూపర్ హిట్ అయ్యింది. సెప్టెంబర్ 9 నుండి అమెజాన్ ప్రైమ్ వీడియోలో స్ట్రీమింగ్ కానుంది.
10) మహ : హన్సిక ప్రధాన పాత్రలో, శింబు కీలక పాత్రలో తెరకెక్కిన ఈ మూవీ తెలుగు వెర్షన్ సెప్టెంబర్ 9 నుండి ఆహాలో స్ట్రీమింగ్ కానుంది.
11) 7 డేస్ 6 నైట్స్ : యం.యస్.రాజు దర్శకత్వంలో తెరకెక్కిన ఈ మూవీ సెప్టెంబర్ 9 నుండి ఆహాలో స్ట్రీమింగ్ కానుంది.
12) భీమ్లా నాయక్ : ఈ చిత్రం తమిళ్ వెర్షన్ సెప్టెంబర్ 9 నుండి ఆహాలో స్ట్రీమింగ్ కానుంది.
Most Recommended Video
భూమా మౌనిక కు ఆల్రెడీ పెళ్లయిందా?
బిగ్ బాస్ కంటెస్టెంట్ రేవంత్ గురించి 10 ఆసక్తికరమైన విషయాలు..!
ఛార్మి మాత్రమే కాదు నిర్మాతలయ్యి భారీగా నష్టపోయిన హీరోయిన్ల లిస్ట్..!
