ఖరారు అయిన వరుణ్ తేజ్ తొలి ప్రేమ ఆడియో రిలీజ్ తేదీ

మెగా ప్రిన్స్ వరుణ్ తేజ్ ఫిదా మూవీ తర్వాత నూతన దర్శకుడు వెంకీ అట్లూరి దర్శకత్వంలో తొలిప్రేమ సినిమా చేస్తున్నారు. తన బాబాయ్ పవన్ కళ్యాణ్ కి కలిసి వచ్చిన ఈ పేరుతో హిట్ అందుకోవడానికి రెడీ అవుతున్నాడు. శ్రీ వెంకటేశ్వర సినీ చిత్ర బ్యానర్లో బీవీఎస్ఎన్ ప్రసాద్ నిర్మిస్తున్న ఈ చిత్రం లో హీరోయిన్ గా రాశీ ఖన్నా నటిస్తోంది. ఈ చిత్రానికి ఎస్.ఎస్. థమన్ సంగీతాన్ని అందిస్తున్నారు. ఆయన స్వరపరిచిన ”నిన్నిలా నిన్నిలా చూశానే.. క‌ళ్ళ‌ల్లో క‌ళ్ళ‌ల్లో దాచానే.. రెప్ప‌లే వేయ‌నంత క‌నుల‌పండ‌గే..నిన్నిలా నిన్నిలా చూశానే.. అంటూ సాగే సాంగ్ కు మంచి రెస్పాన్స్ వచ్చింది. యువత కనెక్ట్ అయ్యారు. యూట్యూబ్ లో లక్షల వ్యూస్ అందుకుంటోంది.

అన్ని పాటల కోసం మెగా అభిమానులు ఎదురుచూస్తున్నారు. వారి కోసం తొలిప్రేమ ఆడియోని ఈ నెల 20న రిలీజ్ చేయాలనీ చిత్ర బృందం డిసైడ్ అయింది. అయితే దీనిని వేడుకగా నిర్వహించాలా, లేకుంటే ప్రీ రిలీజ్ ఫంక్షన్ జరపాలా? అనే విషయంలో చర్చలు జరుగుతున్నాయి. ఆ విషయంలో క్లారిటీ రాగానే అధికారికంగా ప్రకటించనున్నారు. లవ్ ఎంటర్టైనర్ గా తెరకెక్కిన ఈమూవీ ఫిబ్రవరి 9న రిలీజ్ కానుంది.