మెగాస్టార్ చిరంజీవి – వశిష్ట మల్లిడి కాంబినేషన్లో ఓ సినిమా తెరకెక్కుతున్న విషయం తెలిసిందే. చాలా రోజుల క్రితమే పుకార్లుగా వచ్చిన ఈ ప్రాజెక్ట్ ఇటీవల ఓకే అయ్యింది. చిరంజీవి పుట్టిన రోజు సందర్భంగా సినిమాను అనౌన్స్ చేశారు కూడా. ప్రీప్రొడక్షన్ పనులను పూర్తి చేసుకుని సినిమా నవంబరులో సినిమా రెగ్యులర్ షూటింగ్ను ప్రారంభిస్తారని సమాచారం. అయితే ఓ విషయంలో చిన్న మెలిక పడి సినిమాలో కొన్ని కీలక ప్రకటనలు రావడం లేదు అని అంటున్నారు.
యూవీ క్రియేషన్స్ నిర్మిస్తున్న ఈ సినిమా నేపథ్యం సోషియో ఫాంటసీ అని ఇప్పటికే వార్తలొచ్చేశాయి. సినిమా కాన్సెప్ట్ పోస్టర్లో ఈ విషయంపై క్లారిటీ వచ్చేసింది. అంతేకాదు సినిమా పేరు ఇదే అంటూ వస్తున్న పుకార్లకు తగ్గట్టుగా ఈ సినిమాలో ముగ్గురు హీరోయిన్లు ఉంటారు అని లేటెస్ట్ పుకారు ఇంట్రెస్టింగ్గా మారింది. సినిమా ఆలోచనలు ఉన్నాయి అంటూ పుకార్లు వచ్చిన సమయంలోనే ఈ సినిమాకు ‘ముల్లోక వీరుడు’ అనే పేరు పెడతారనే పుకార్లు వచ్చిన విషయం తెలిసిందే.
దానికి తగ్గట్టుగా సినిమాలో ముగ్గురు నాయికలు ఉంటున్నారు అంటూ మూడు పేర్లు బయటకు వచ్చాయి. ఈ క్రమంలో మోస్ట్ సీనియర్ నాయిక ఒకరు, సీనియర్ నాయిక ఒకరు, కొత్త నాయిక ఇంకొకరు ఉండేలా చూసుకుంటున్నారట. ఈ రిక్వైర్మెంట్లకు తగ్గట్టుగా సినిమాలో కథానాయికల పోస్టులకు ఐశ్వర్య రాయ్, అనుష్క శెట్టి, మృణాల్ ఠాకూర్ పేర్లు పరిశీలనలో ఉన్నాయి అంటున్నారు. అయితే వీరిలో ఎంతమంది ఫైనల్ అవుతారు అనేది చూడాలి.
యూవీ క్రియేషన్స్ సినిమా కాబట్టి అనుష్క నటించడం పెద్ద విషయం కాదు. అలాగే మృణాల్ ఠాకూర్ ఎంపికలో ఆశ్చర్యం అక్కర్లేదు. అయితే ఐశ్వర్య రాయ్ ఓకే చేస్తుందా అనేదే సమస్య. ఆమె ఇటీవల కాలంలో అన్ని రకాల సినిమాలు చేయడం లేదు. ‘పొన్నియిన్ సెల్వన్’ లాంటి భారీ కథలకే ఓకే చెబుతోంది. ఈ సినిమా కూడా దాదాపు అదే కోవకు చెందింది కావడంతో దాదాపు ఓకే చేయడం సాధ్యమే అంటున్నారు.
మార్క్ ఆంటోనీ సినిమా రివ్యూ & రేటింగ్!
ఛాంగురే బంగారు రాజా సినిమా రివ్యూ & రేటింగ్!
సోదర సోదరీమణులారా సినిమా రివ్యూ & రేటింగ్!
