Tillu Square Trailer: అనుపమ నుండి ఇలాంటివి ఊహించలేదు. ‘టిల్లు స్క్వేర్’ ట్రైలర్లో ఇది గమనించారా?

సిద్ధు జొన్నలగడ్డ హీరోగా తెరకెక్కిన ‘డీజే టిల్లు’ చిత్రం ఎంత పెద్ద బ్లాక్ బస్టర్ అయ్యిందో అందరికీ తెలుసు. కేవలం కమర్షియల్ సక్సెస్ అందుకోవడం మాత్రమే కాదు.. అందులో సిద్దు జొన్నలగడ్డ చేసిన కామెడీ బాగా పండింది. ఆ పాత్రకి కల్ట్ ఫ్యాన్స్ ఏర్పడ్డారు. ‘అట్లుంటది మనతోని’ అనే డైలాగ్ తో బోలెడన్ని మీమ్స్ రావడంతో పాటు టీ షర్ట్..లు కూడా వచ్చాయి అంటే ఆ సినిమా ప్రేక్షకులను ఏ రేంజ్లో ఇంప్రెస్ చేసిందో అర్థం చేసుకోవచ్చు.ఇక ఆ సినిమాకి ‘టిల్లు స్క్వేర్’ పేరుతో సీక్వెల్ కూడా రూపొందనున్న సంగతి తెలిసిందే. కాకపోతే ఈసారి దర్శకుడు మారాడు. విమల్ కృష్ణ స్థానంలో మల్లిక్ రామ్ వచ్చి చేరాడు. ఇది అందరికీ తెలిసిన సంగతే.

అలాగే హీరోయిన్ నేహా శెట్టి ప్లేస్ లో అనుపమ పరమేశ్వరన్ కూడా వచ్చి చేరింది. ‘సితార ఎంటర్టైన్మెంట్స్’ బ్యానర్ పై సూర్యదేవర నాగవంశీ ఈ చిత్రాన్ని నిర్మిస్తున్నారు. ఇక ఈరోజు వాలెంటైన్స్ డే సందర్భంగా ‘టిల్లు స్క్వేర్’ నుండి ట్రైలర్ ను విడుదల చేశారు. మొదటి భాగాన్ని గుర్తు చేస్తూనే ట్రైలర్ ను మొదలుపెట్టారు. అయితే తర్వాత ఊహించని విధంగా అనుపమ పరమేశ్వరన్ – సిద్ధు జొన్నలగడ్డ..ల మధ్య ఘాటు లిప్ లాక్ సీన్ ను చూపించి షాక్ ఇచ్చారు. ఆ తర్వాత సిద్ధు జొన్నలగడ్డ కామెడీ టైమింగ్ ని చూపించారు. రామ్ మిరియాల సంగీతం అందిస్తున్న ఈ సినిమాకి తమన్ బ్యాక్ గ్రౌండ్ స్కోర్ అందిస్తున్నాడు.

అయితే ట్రైలర్ ఆశించిన రేంజ్లో లేదు అనే కామెంట్లు వినిపిస్తున్నాయి. కాకపోతే.. ఈ ట్రైలర్ ను జనాలు రిపీటెడ్ గా చూస్తున్నారు. దానికి కారణం అనుపమ పరమేశ్వరన్ ఘాటు లిప్ లాక్ సీన్ కోసమే అని చెప్పాలి. పక్కింటి అమ్మాయి తరహా పాత్రలు చేస్తూ ఎక్స్పోజింగ్ కి చాలా దూరంగా ఉండే ఈమె ఇలాంటి బోల్డ్ రోల్లో కనిపించేసరికి అంతా షాక్ అయ్యారు. అంతకు ముందు ‘రౌడీ బాయ్స్’ లో ఆశిష్ తో కూడా ఈమె రొమాంటిక్ సీన్స్, లిప్ లాక్ సీన్స్ లో నటించినప్పటికీ.. ‘టిల్లు స్క్వేర్’ లో మాత్రం డోస్ పెంచిందనే చెప్పాలి.