మొన్న నాని పుట్టినరోజును పురస్కరించుకొని విక్రమ్ కుమార్ దర్శకత్వంలో తెరకెక్కుతున్న సినిమా పేరు “గ్యాంగ్ లీడర్” అని ఎనౌన్స్ చేసినప్పుడు మెగా ఫ్యాన్స్ అందరూ షాక్ అయ్యారు. ఈ క్లాస్ కాంబినేషన్ సినిమాకి ఆ మాస్ టైటిల్ ఎందుకు అని అడిగినవాళ్లు బోలెడుమంది. తర్వాత ఆ విషయాన్ని జనాలు పెద్దగా పట్టించుకోలేదనుకోండి. అయితే.. తాజాగా ఇంకో యువ హీరో “గ్యాంగ్ లీడర్” టైటిల్ నాది అని మీడియా ముందుకొచ్చాడు.
తాను ఎప్పుడో “గ్యాంగ్ లీడర్” అనే టైటిల్ ను రిజిష్టర్ చేయించుకున్నానని, మైత్రీ మూవీ మేకర్స్ కనీసం తనను సంప్రదించకుండా నాని సినిమాకి ఫిక్స్ చేయడమే కాక ఎనౌన్స్ కూడా చేశారని ప్రెస్ మీట్ పెట్టి మరీ రచ్చ చేశాడు. గతంలో నిఖిల్ నటించిన “ముద్ర” విషయంలో కూడా ఇదే తరహా రచ్చ జరిగిన విషయం తెలిసిందే. మరి ఈ గ్యాంగ్ లీడర్ టైటిల్ విషయంలో నాని గెలుస్తాడా లేక ఓడి టైటిల్ మార్చుకుంటాడా అనేది చూడాలి.
Home