చిరు-కొరటాల మూవీ టైటిల్ అదే అంటున్నారే ..?

మెగాస్టార్ చిరంజీవి తన 152వ చిత్ర షూటింగ్ లో పాల్గొంటున్నారు. ఇటీవలే రెగ్యులర్ షూటింగ్ ని దర్శకుడు కొరటాల శివ మొదలుపెట్టారు. హైదరాబాద్ లో వేసిన ప్రత్యేక సెట్ లో ఈ మూవీ చిత్రీకరణ జరుగుతుందని సమాచారం. చిరు ఇమేజ్ కి తగ్గట్టుగా ఓ మంచి మెస్సేజ్ ఓరియెంటెడ్ కథకి కమర్షియల్ హంగులు అద్ది మంచి స్క్రిప్ట్ సిద్ధం చేశారట కొరటాల. ఈ చిత్ర బడ్జెట్ కూడా కొంచెం భారీగానే ఉంటుందని వినికిడి. యూనివర్సల్ కాన్సెప్ట్ కావడంతో సైరా వలే పాన్ ఇండియా మూవీగా విడుదల చేయాలని కూడా వారు భావిస్తున్నారట. ఇక ఈ చిత్రాన్ని రామ్ చరణ్ నిర్మాతగా కొణిదెల ప్రొడక్షన్ బ్యానర్ లో తెరకెక్కిస్తున్నారు.

ఐతే ఈ చిత్ర టైటిల్ పై ఆసక్తికర వార్త ఇండస్ట్రీలో చక్కర్లు కొడుతుంది. చిరు 152 చిత్రానికి టైటిల్ గా ‘గోవింద ఆచార్య’ అనే టైటిల్ అనుకుంటున్నారట. కథ రీత్యా ఈ టైటిల్ సరిపోతుందని వారు భావిస్తున్నారట. అలాగే గోవింద ఆచార్య అనే టైటిల్ విభిన్నంగా ఉండటంతో పాటు, చిరు ఇమేజ్ కి సరిపోయేలా ఉండటంతో ఆ టైటిల్ ఖరారు చేయాలని ఆలోచిస్తున్నారని తెలుస్తుంది. గతంలో ఈ టైటిల్ తో ఓ ఫ్యాన్ మేడ్ పోస్టర్ విడుదలైంది. ఆ పోస్టర్ చూసిన చాలా మంది ఆఫీషియల్ అనుకోవడం జరిగింది. ఆ పోస్టర్ అప్పుడు సోషల్ మీడియాలో వైరల్ గా మారింది. మరి ఇప్పుడు అదే టైటిల్ చిత్ర యూనిట్ పరిగణలోకి తీసుకుంటున్నారు అనడం కొంచెం నమ్మశక్యంగా లేదు. మరి ఈ వార్తలో నిజం ఎంతో తెలియాలంటే అధికారిక ప్రకటన వరకు ఆగాల్సిందే. ఇక ఈ చిత్రంలో రామ్ చరణ్ కూడా ఓ కేమియో రోల్ చేస్తున్నాడని, కనిపించేది కొద్ది నిమిషాలే అయినా కథలో కీలకం అని తెలుస్తుంది.

సరిలేరు నీకెవ్వరు సినిమా రివ్యూ & రేటింగ్!
అల వైకుంఠపురములో సినిమా రివ్యూ & రేటింగ్!
ఎంత మంచివాడవురా సినిమా రివ్యూ & రేటింగ్!