తెలుగులో సూపర్ హిట్ అయిన ‘ఛత్రపతి’ సినిమాను హిందీలో రీమేక్ చేస్తోన్న సంగతి తెలిసిందే. బెల్లంకొండ సాయి శ్రీనివాస్ హీరోగా దర్శకుడు వి.వి.వినాయక్ ఈ సినిమాను తెరకెక్కిస్తున్నారు. వీరిద్దరికీ ఇదే తొలి బాలీవుడ్ సినిమా. ప్రస్తుతం ఈ సినిమా షూటింగ్ దశలో ఉంది. తెలుగు కథలో కొన్ని మార్పులు చేసి బాలీవుడ్ కి అనుగుణంగా తెరకెక్కిస్తున్నారు. అంతా బాగానే ఉంది కానీ ఇప్పుడు ఈ సినిమా టైటిల్ విషయంలో ఇబ్బందులు కలుగుతున్నాయి.
నిజానికి తెలుగు టైటిల్ ‘ఛత్రపతి’ అనే పేరుతోనే హిందీలో కూడా సినిమాను రిలీజ్ చేయాలనుకున్నారు. కానీ ఆ పేరుని ఆల్రెడీ రిజిస్టర్ చేయించారు. దీంతో ‘శివాజీ’ అనే పేరుని అనుకున్నారు. దాన్ని కూడా రిజిస్టర్ చేయించినట్లు తెలుస్తోంది. ఈ రెండు పేర్లు తప్ప వేరే టైటిల్ సినిమాకు సూట్ అవ్వదని దర్శకుడు భావిస్తున్నాడు. అందుకే.. ‘ఛత్రపతి’ టైటిల్ ను రిజిస్టర్ చేయించుకున్న నిర్మాతతో డిస్కషన్లు మొదలుపెట్టాడు వి.వి.వినాయక్. కానీ ఆయన టైటిల్ వదులుకోవడానికి రూ.2 కోట్లు డిమాండ్ చేస్తున్నాడట.
ఒక్క సినిమా టైటిల్ కోసం రెండు కోట్లు ఇన్వెస్ట్ చేయడమంటే మామూలు విషయం కాదు. అందుకే దర్శకనిర్మాతలు ఆలోచనలో పడ్డారు. మరేదైనా.. టైటిల్ ను ఆలోచించమని వినాయక్ కు చెబుతున్నారట చిత్ర నిర్మాతలు.
Most Recommended Video
‘అఖండ’ మూవీ నుండీ గూజ్ బంప్స్ తెప్పించే 15 డైలాగ్స్..!
సిరివెన్నెల సీతారామశాస్త్రి గారి గురించి మనకు తెలియని విషయాలు..!
22 ఏళ్ళ రవితేజ ‘నీకోసం’ గురించి ఆసక్తికరమైన విషయాలు…!
