రెండో పెళ్లి గురించి మాట్లాడుతూనే.. మొదటి భర్త పై సెటైర్లు!

ఎస్తేర్ నోరోన్హా అందరికీ తెలుసు కదా. ‘1000 అబద్దాలు’ ‘భీమవరం బుల్లోడు’ వంటి క్రేజీ సినిమాల్లో నటించింది. సినిమాల్లో ఈమెకు పెద్దగా గుర్తింపు రాలేదు. దీంతో సింగర్ నోయల్ (Noel Sean) ని ఈమె పెళ్లి చేసుకుంది. అయితే పెళ్ళైన కొంతకాలానికే వీరు విడాకులు తీసుకోవడం జరిగింది. అటు తర్వాత ఎస్తేర్ (Ester Noronha) .. పలు సినిమాల్లో సపోర్టింగ్ రోల్స్ చేస్తూ వస్తోంది. అలాగే ఇంకా కొన్ని సినిమాల్లో బోల్డ్ రోల్స్ కూడా చేస్తూ హాట్ టాపిక్ గా నిలుస్తుంది.

ప్రస్తుతం ఎస్తేర్ వయసు 31 ఏళ్లు. దీంతో రెండో పెళ్లి చేసుకునే ఉద్దేశం ఉందా? అంటూ ఈమెకు పలు ఇంటర్వ్యూల్లో ప్రశ్నలు ఎదురవుతున్నాయి. తాజాగా ఓ ఇంటర్వ్యూలో రెండో పెళ్లి పై ఓ క్లారిటీ ఇచ్చింది ఈ బ్యూటీ. ఎస్తేర్ నోరోన్హా మాట్లాడుతూ.. “నేను ఒంటరిగా ఉండాలని అనుకోవడం లేదు. అలా ఉండడం చాలా కష్టంగా అనిపిస్తుంది. నాకు మళ్ళీ పెళ్లి చేసుకోవాలని ఉంది. ఓ అందమైన జీవితం కావాలనుకుంటున్నాను.

నాకు సరైన లైఫ్ పార్ట్‌నర్ కావాలి. అయితే ఎలాంటి వాడిని పెళ్లి చేసుకోవాలనే విషయం పై మాత్రం నాకు క్లారిటీ లేదు. ఆల్రెడీ నేను గతంలో పెళ్లి చేసుకొని చాలా ప్రాబ్లమ్స్ ఫేస్ చేశాను. అందువల్ల ఇప్పుడు నేను పెళ్లి చేసుకోబోయే వ్యక్తి నన్ను అర్థం చేసుకునే వాడై ఉండాలి అని అనుకుంటున్నాను. షోకేస్ లాంటి మొగుడు నాకు వద్దు” అంటూ రెండో పెళ్లి గురించి క్లారిటీ ఇస్తూనే మరోపక్క మొదటి పెళ్లి గురించి, మొదటి భర్త గురించి సెటైరికల్ కామెంట్స్ చేసింది.