టాలీవుడ్లో ఆ సెంటిమెంట్ మళ్ళీ మొదలైనట్టుంది..!

లవ్ లో ఫెయిలైనోళ్ళంతా గడ్డం పెంచేస్తారు అన్నది ఒకప్పటి మాట.ఇప్పుడు కొంతమంది అబ్బాయిలు చాలా ఇష్టంగా గడ్డం పెంచుకుంటున్నారు. అందుకోసం కొన్ని ‘బియార్డో’ వంటి ఆయిల్స్ కూడా ఉపయోగిస్తున్నారు. సరే ఈ విషయాన్ని పక్కన పెట్టేస్తే.. ఇప్పుడు టాలీవుడ్లో మళ్ళీ గడ్డం సెంటిమెంట్ మొదలైనట్టు కనిపిస్తుంది. ఓ హీరో తన లుక్ ను మార్చి చేసిన సినిమా హిట్టు కొట్టాడంటే చాలు.. మిగతా హీరోలు కూడా అదే సెంటిమెంట్ ను మొదలుపెడతారు. గతంలో అల్లు అర్జున్ ‘దేశముదురు’ సినిమా కోసం సిక్స్ ప్యాక్ బాడీ డెవలప్ చేసాడు. ఆ చిత్రం సూపర్ హిట్ అయ్యింది.

ఆ టైములో చాలా మంది హీరోలు తమ సినిమాల కోసం సిక్స్ ప్యాక్ లను చెయ్యడం మనం చూస్తూనే వచ్చాము. మధ్యలో కొంతమంది హీరోలు కొన్ని సినిమాల్లో గడ్డాలతో కనిపించారు. ‘నాన్నకు ప్రేమతో’, ‘జనతా గ్యారేజ్’ సినిమాల్లో ఎన్టీఆర్, ‘రంగస్థలం’ చిత్రంలో చరణ్, ‘తొలిప్రేమ’ ‘గద్దలకొండ గణేష్’ చిత్రాల్లో వరుణ్ తేజ్, ‘ప్రేమమ్’ ‘మజిలీ’ వంటి చిత్రాల్లో నాగ చైతన్య.. లు గడ్డాలతో కనిపించారు. ఆ సినిమాలు అన్నీ సూపర్ హిట్లు అయ్యాయి. ఇప్పుడు ఒక్క సినిమాలో అయినా సరే హీరో గడ్డంతో కనిపించాలి అనేలా ఫ్యాన్స్ కోరుకుంటున్నారు. ఎప్పుడూ క్లీన్ షేవ్ తో కనిపించే మహేష్ కూడా ‘మహర్షి’ చిత్రంలో కొంచెం గడ్డంతో కనిపించాడు.

ఇప్పుడు ‘సర్కారు వారి పాట’ సినిమాలో కూడా ఓ కీలక ఎపిసోడ్ కోసం గడ్డం మరియు లాంగ్ హెయిర్ తో కనిపించబోతున్నాడట. ఇక ‘నారప్ప’ లో వెంకీ, ‘ఆచార్య’ లో చిరు, బోయపాటి సినిమాలో బాలయ్య,’వకీల్ సాబ్’ సినిమాలో పవన్ కళ్యాణ్ వంటి స్టార్ హీరోలు కూడా గడ్డంతో కనిపించబోతున్నారని సమాచారం. అంతేకాదు యంగ్ హీరోలు అయిన బెల్లంకొండ సాయి శ్రీనివాస్, నాగ శౌర్య వంటి హీరోలు కూడా వారి కొత్త సినిమాల్లో గడ్డాలతో కనిపించబోతున్నారని తెలుస్తుంది.మరి వీరి సెంటిమెంట్ ఎంత వరకూ వర్కౌట్ అవుతుందో చూడాలి..!

Most Recommended Video

టాలీవుడ్ లో తెరకెక్కిన హాలీవుడ్ చిత్రాలు!
బిగ్‌బాస్‌ ‘రౌడీ బేబీ’ దేత్తడి హారిక గురించి ఈ విషయాలు మీకు తెలుసా?
రజినీ టు ఎన్టీఆర్.. జపాన్ లో కూడా అదరకొట్టిన హీరోలు వీళ్ళే..!