ఉగాది రోజు తమ సినిమాల రుచి చూపించనున్న టాలీవుడ్ హీరోలు

తెలుగువారి తొలి పండుగ ఉగాది. ఆ పవిత్రమైన రోజు ‘షడ్రుచుల’ సమ్మేళనమైన ఉగాది పచ్చడిని తింటారు. అదే రోజు తమ సినిమాల రుచి చూపించడానికి టాలీవుడ్ హీరోలు సిద్ధమవుతున్నారు. టచ్ చేసి చూడు సినిమా తర్వాత రవితేజ కల్యాణ్ కృష్ణ దర్శకత్వంలో నేలటిక్కెట్ అనే సినిమా చేస్తున్నారు. ఈ సినిమా ఫస్ట్ ని ఉగాది రోజు రిలీజ్ చేయనున్నారు. కొరటాల దర్శకత్వంలో మహేష్ బాబు నటిస్తున్న భరత్ అనే నేను సినిమా ఫస్ట్ ఓత్, విజన్ ఆఫ్ భరత్ రూపంలో ఫస్ట్ లుక్, టీజర్ ని రిలీజ్ చేసి రికార్డ్ సృష్టించారు. ఈ సినిమా తొలి పాటను ఉగాది నాడు రిలీజ్ చేయాలనీ చిత్ర బృందం ఫిక్స్ అయింది. దేవి శ్రీ ప్రసాద్ భరత్ అనే నేనుకి ఇచ్చిన పాటలను ఉగాది నుంచి దశలవారీగా విడుదల చేయనున్నారు. గణతంత్ర దినోత్సవం, ప్రేమికుల రోజు సందర్భాలను వినియోగించుకున్న అల్లు అర్జున్ ఉగాదికి ఒక స్పెషల్ వీడియోని రిలీజ్ చేసేందుకు ప్రయత్నిస్తున్నట్లు తెలిసింది.

వీడియో సాంగ్ టీజర్ రిలీజ్ చేస్తారా?, ఫైట్ బిట్ విడుదల చేస్తారా? అనేది సస్పెన్స్. చందు మొండేటి దర్శకత్వంలో నాగచైతన్య నటిస్తున్న సవ్యసాచి ఫస్ట్ లుక్ ను విడుదల చేయబోతున్నట్టు ప్రకటించింది. బెల్లంకొండ శ్రీనివాస్, పూజ హెగ్డే కలిసి నటిస్తున్న సాక్ష్యం మూవీ ఫస్ట్ లుక్ అదే రోజు విడుదలకానుంది. ఇక ఉగాదికి వేడుకగా సుస్వాగతం చేప్పేందుకు రంగస్థలం టీమ్ ఏర్పాట్లు చేసింది. రామ్ చరణ్, సుకుమార్ కలయికలో వస్తున్న ఈ మూవీ ప్రీ రిలీజ్ వేడుకను వైజాక్ లో నిర్వహించనున్నారు. ఈ వేదికపై సంప్రదాయ, జానపద కళల్ని ప్రదర్శించబోతున్నారు. అలాగే రంగస్థలం ట్రైలర్ కూడా రిలీజ్ చేయనున్నారు. ఇలా ఉగాది నాడు ఆరు రకాల సినిమాలు తెలుగువారికి పండుగ జోష్ ను పెంచనున్నాయి.