Tollywood: సీనియర్లు సంక్రాంతికే కాదు.. దసరాకి కూడా వస్తారా?

ఇప్పుడు ధియేటర్ల వ్యవస్థ చాలా దారుణంగా ఉంది. పెద్ద సినిమాలు లేక చాలా ఏరియాల్లో ధియేటర్లు మూతబడ్డాయి. వాటికి మెయింటెనెన్స్ డబ్బులు కూడా రాక.. అలా అని ధియేటర్లు రన్ చేయలేక యాజమాన్యాలు అలాంటి కఠినమైన నిర్ణయాలు తీసుకుంటున్నాయి. దీనికి కారణం ఒక్కటే. జనాలు ధియేటర్లకు రాకపోవడం. పెద్ద సినిమాలు ఉంటేనే వాళ్ళు ధియేటర్లకి వస్తారు. లేదు అంటే ఇళ్ళల్లోనే ఉంటారు. పైగా ఇది అన్ సీజన్. స్టార్ హీరోల సినిమాలు ఎప్పుడు వస్తాయో తెలీదు.

Tollywood

ఈ క్రమంలో సీనియర్ స్టార్ హీరోలే(Tollywood) డిస్ట్రిబ్యూటర్లకి పెద్ద దిక్కు అవ్వాల్సి ఉంది. చిరంజీవి ‘మన శంకరవరప్రసాద్’ తో అలరించారు. బాలయ్య ‘అఖండ’ తో వచ్చారు. నాగార్జున, వెంకటేష్..ల నుండి ఇటీవల ఏ సినిమా రాలేదు.ఆ విషయాలు పక్కన పెట్టేస్తే.. స్టార్ హీరోల కంటే కూడా సీనియర్ స్టార్ హీరోలే ఎక్కువ ఉత్సాహంతో సినిమాలు చేస్తున్నారు. అని చెప్పాలి. ఆల్రెడీ సీనియర్లు 2027 సంక్రాంతి పై కన్నేశారు.

చిరు- బాబీ కాంబో మూవీ, బాలయ్య – హరీష్ శంకర్ కాంబో మూవీ, నాగార్జున- కళ్యాణ్ కృష్ణ కాంబో మూవీ, వెంకటేష్- అనిల్ రావిపూడి సినిమా 2027 సంక్రాంతి బరిలో నిలిచే అవకాశాలు ఎక్కువగా ఉన్నాయి. అయితే ఈ సీనియర్లు నెక్స్ట్ సంక్రాంతి పైనే కాదు.. 2026 దసరాపై కూడా కన్నేసినట్టు తెలుస్తుంది. విషయంలోకి వెళితే.. చిరు పెండింగ్ ప్రాజెక్టు అయిన ‘విశ్వంభర’ జూలైలో రిలీజ్ అవుతుంది అనుకున్నప్పటికీ.. ఎక్కువ శాతం అది దసరాకి షిఫ్ట్ అయ్యే అవకాశం ఉందట.

మరోవైపు వెంకటేష్- త్రివిక్రమ్..ల ‘ఆదర్శ కుటుంబం..’ కూడా దసరా కానుకగా రిలీజ్ అయ్యే అవకాశాలు ఉన్నాయట. మరోపక్క బాలకృష్ణ- గోపిచంద్ కాంబినేషన్లో రూపొందుతున్న మాస్ మూవీ అలాగే నాగార్జున 100వ సినిమా కూడా దసరా రేసులో నిలిచే అవకాశం ఉందని తెలుస్తుంది. సో ఎలా చూసుకున్నా.. అక్టోబర్ నుండి జనవరి వరకు సీనియర్ స్టార్ హీరోల సినిమాల సందడే ఎక్కువగా ఉండబోతున్న మాట.

క్యాస్టింగ్ కౌచ్ పై యాంకర్ స్రవంతి వెర్షన్