నేను ప్రేమలో ఉన్నాను కానీ.. అతడి పేరు మాత్రం అడక్కండి

సౌత్ నుంచి నార్త్ వెళ్ళి సక్సెస్ ఫుల్ గా స్థిరపడిన కథానాయికల్లో తాప్సీ ఒకరు. ఆమెకంటే ముందు మన సౌత్ హీరోయిన్లు చాలామంది బాలీవుడ్ లో స్థిరపడేందుకు ప్రయత్నించినా పెద్దగా ఫలితం లేకపోయింది. కానీ తాప్సీ మాత్రం నటనకు ప్రాధాన్యత ఉన్న పాత్రలతోపాటు కమర్షియల్ సినిమాలు కూడా చేస్తూ బాలీవుడ్ లో సెటిల్ అయిపోయింది. ఏదైనా పెర్ఫార్మెన్స్ ఓరియెంటెడ్ రోల్ ఉంది అనుకుంటే దర్శకులు ఆమెను ఒక ఆప్షన్ గా కన్సిడర్ చేస్తున్నారంటే ఆమె కథానాయికగా ఎంతటి విజయం సాధించిందో అర్ధం చేసుకోవచ్చు.

ఆమె తాజా చిత్రం “గేమ్ ఓవర్” థియేటర్స్ లో మాత్రమే కాక డిజిటల్ ప్లాట్ ఫార్మ్స్ లోనూ ప్రేక్షకుల్ని విశేషంగా ఆకట్టుకొంటోంది. ఇదివరకు తన భవిష్యత్ ప్రణాళికల గురించి మాట్లాడుతూ.. పెళ్లి చేసుకొనే ఆలోచన లేదని, కానీ తనకోక పార్ట్నర్ కావాలని అది కూడా కేవలం తాను భవిష్యత్ లో మొదలెట్టనున్న ప్రొడక్షన్ హౌస్ కోసమని చాలా క్లియర్ గా చెప్పిన తాప్సీ.. ప్రస్తుతం తాను ఒక వ్యక్తితో రిలేషన్ షిప్ లో ఉన్నానని, అతడు ఎవరు అనేది చెప్పను కానీ.. ఇప్పుడప్పుడే పెళ్లి చేసుకొనే ఆలోచన మాత్రం లేదని తేల్చేసింది తాప్సీ. మరి ఆ సీక్రెట్ బోయ్ ఫ్రెండ్ ఎవరో తెలియాలంటే కొన్నాళ్లపాటు ఆగాల్సిందే.