మెగాస్టార్ తో ఆ సూపర్ హిట్ సీక్వెల్ ప్లాన్ చేస్తున్న స్టార్ డైరెక్టర్..!

మెగాస్టార్ చిరంజీవి డబుల్ రోల్ లో వచ్చిన ‘రౌడీ అల్లుడు’ చిత్రం ఎంత సూపర్ హిట్ అయ్యిందో ప్రత్యేకంగా చెప్పనక్కర్లేదు. దివంగత నటి దివ్య భారతి, శోభన హీరోయిన్లు గా నటించిన ఈ చిత్రాన్ని కె.రాఘవేంధ్ర రావు డైరెక్ట్ చేసాడు. 1991 అక్టోబర్ 18న ఈ చిత్రం విడుదలయ్యింది. అప్పట్లో ఈ చిత్రం పెద్ద బ్లాక్ బస్టర్ అయ్యింది. అల్లు రామలింగయ్య, కోట శ్రీనివాస రావు తో మెగాస్టార్ చేసిన కామెడీ కి థియేటర్లో పగల పడి నవ్వారు ప్రేక్షకులు. బిప్పీ లహరి సంగీతంలో రూపొందిన పాటలు కూడా హైలెట్ గా నిలిచాయి.

‘చిలకా క్షేమమా’ అనే పాటకి ఇప్పటికీ ఫ్యాన్స్ ఉన్నారు అంటే అతిసయోక్తి కాదు. అయితే ఈ చిత్రానికి సీక్వెల్ ప్లానింగ్ జరుగుతుంది అని వార్తలు వస్తున్నాయి. ఆ చిత్రానికి ప్లాన్ చేస్తున్న దర్శకుడు మరెవరో కాదు మన ‘హరీష్ శంకర్’. ‘గబ్బర్ సింగ్’ చిత్రంతో మెగా పవర్ ఫ్యాన్స్ కు బ్లాక్ బస్టర్ ఇచ్చిన హరీష్ శంకర్ మెగాస్టార్ చిరంజీవి తో సినిమా చెయ్యాలి అని ఎప్పటి నుండో అనుకుంటున్నాడు. మెగాస్టార్ కూడా హరీష్ తో సినిమా చెయ్యాలి అని భావిస్తున్నాడు.

అయితే మెగాస్టార్ తో సినిమా తీస్తే అది ‘రౌడీ అల్లుడు’ లాంటి ఎంటర్టైన్మెంట్ ఉన్న చిత్రం చేస్తాను అని హరీష్ ఇటీవల చెప్పాడు. అందుకు తగినట్టుగానే అలాంటి స్క్రిప్ట్ నే రెడీ చేసుకుంటున్నాడు అని ఇన్సైడ్ టాక్. అయితే ఇప్పుడు చిరు ని అలాంటి స్క్రిప్ట్ లో ప్రేక్షకులు యాక్సెప్ట్ చేస్తారా అనేది ఆలోచించ తగ్గ విషయం. చరణ్ తో అయితే పర్వాలేదు.. ఇప్పుడు మెగాస్టార్ అంత ఎనర్జీ ఉన్న జానీ క్యారెక్టర్ లో అలరించగలడా అనేది కూడా డౌటే.

Most Recommended Video

‘బాహుబలి’ ని ముందుగా ప్రభాస్ కోసం అనుకోలేదట…!
పోకిరి స్టోరీకి మహేష్ చెప్పిన చేంజెస్ అవే..!
హీరోయిన్స్ గా ఎదిగిన హీరోయిన్స్ కూతుళ్లు వీరే..!
అమృతారామమ్ సినిమా రివ్యూ & రేటింగ్!