Chandra Mohan: ఆ దెబ్బలనుంచి కోలుకోవడానికి చంద్రమోహన్ కు వారం రోజులు పట్టిందంట..!

November 15, 2023 / 08:28 PM ISTByFilmy Focus

Join Us

Chandra Mohan: ఆ దెబ్బలనుంచి కోలుకోవడానికి చంద్రమోహన్ కు వారం రోజులు పట్టిందంట..!

తెలుగు చిత్ర పరిశ్రమలో స్వర్ణ యుగానికి సంబంధించిన నటులలో మిగిలిన ఏకైక దిగ్గజ నటుడు చంద్రమోహన్ రీసెంట్ గానే తన తుది శ్వాసని విడిచిపెట్టడం యావత్తు సినీ లోకాన్ని శోకసంద్రం లోకి నెట్టేసింది. హీరో గా క్యారక్టర్ ఆర్టిస్టుగా చంద్ర మోహన్ ఇండస్ట్రీ లో వేసిన ముద్ర ఎప్పటికీ చెరిగిపోనిది. ఈయన పక్కన హీరోయిన్స్ గా నటించిన ప్రతీ ఒక్కరు ఇండస్ట్రీ లో ఉన్నత స్థాయికి చేరుకున్నారు. అలా ఆయన ఇప్పటి వరకు ఇండియన్ సినిమా ఇండస్ట్రీ కి 40 మంది హీరోయిన్స్ ని పరిచయం చేసాడు.

వారిలో కొంతమంది పాన్ ఇండియా రేంజ్ కి వెళ్లి సూపర్ స్టార్స్ గా కూడా మారారు. ఇకపోతే అప్పట్లో చంద్రమోహన్ మరియు సీనియర్ ఎన్టీఆర్ కి మధ్య గొడవలు జరిగాయి అని ఒక రూమర్ ఉండేది, అది రూమర్ కాదు నిజమే అని చంద్రమోహన్ ఒక ఇంటర్వ్యూ లో చెప్పుకొచ్చాడు. ‘అన్నదమ్ముల అనుబంధం’ చిత్రం లో సీనియర్ ఎన్టీఆర్ తో పాటుగా చంద్రమోహన్ కూడా ఒక హీరో గా నటించాల్సి ఉంది. ఇందుకోసం ఆయన 30 రోజుల పాటు డ్యాన్స్ ప్రాక్టీస్ కూడా చేసాడట.

తీరా సెట్స్ దగ్గరకి వచ్చేసరికి నా బదులుగా బాలయ్య బాబు ని తీసుకున్నారు. ఈ విషయం తనని బాగా బాధించింది అంటూ ఒక ఇంటర్వ్యూ లో చంద్రమోహన్ చెప్పుకొస్తాడు. అంతే కాదు అప్పట్లో ఆయన ఎన్టీఆర్ తో జరిగిన మరో సంఘటన కూడా చెప్పుకొచ్చాడు. 1974 వ సంవత్సరం లో ఎన్టీఆర్ ‘యుగ పురుషుడు’ అనే చిత్రం చేసాడు. ఈ సినిమాలో ఎన్టీఆర్ మరియు చంద్రమోహన్ మధ్య కరాటీ ఫైట్ సన్నివేశం ఉంటుంది.

నాతో కరాటీ అంటే చాలా రిస్క్ బ్రదర్, ఈ సన్నివేశం ఒప్పుకునే ముందు ఆలోచించుకో అని అన్నాడట ఎన్టీఆర్, ఏమి పర్వాలేదు అని చెప్పి ఆ సన్నివేశం చేసాడట చంద్ర మోహన్. పాపం ఈ కరాటీ ఫైట్ లో ఎన్టీఆర్ చేత చావుదెబ్బలు నిజంగానే తిన్నాడట (Chandra Mohan) చంద్ర మోహన్, కోలుకోవడానికి వారం రోజుల సమయం పట్టిందట.