టాలీవుడ్ సీనియర్ ప్రొడ్యూసర్లలో ఒకరైన సి కళ్యాణ్ జయాపజయాలకు అతీతంగా సినిమా ఇండస్ట్రీలో నిర్మాతగా సత్తా చాటుతున్న సంగతి తెలిసిందే. తాజాగా ఒక యూట్యూబ్ ఛానల్ కు సి కళ్యాణ్ ఇంటర్వ్యూ ఇవ్వగా ఆ ఇంటర్వ్యూలో యాంకర్ మీకు బాలకృష్ణ గారంటే ఇష్టమని మెగా ఫ్యామిలీ హీరోలు ఎందుకు ఇష్టం ఉండరని ప్రశ్నించారు. ఆ ప్రశ్నకు సి కళ్యాణ్ స్పందిస్తూ బాలయ్య తనను కుటుంబ సభ్యునిలా చూసుకుంటారని మెగా హీరోలతో తనకు విభేదాలు లేవని అన్నారు. బాలకృష్ణ సూటిగా, నిర్మొహమాటంగా మాట్లాడటాన్ని మాత్రమే ఇష్టపడతారని సి కళ్యాణ్ పేర్కొన్నారు.
బాలకృష్ణతో తాను సినిమాల గురించి తప్ప ఇతర విషయాల గురించి మాట్లాడనని సి కళ్యాణ్ అన్నారు. బాలకృష్ణకు ఇండస్ట్రీకి సంబంధించి ఏదైనా చెప్పే చనువు తనకు ఉందని సి కళ్యాణ్ వెల్లడించారు. తాను మెగా ఫ్యామిలీ హీరోలరో లోఫర్, ఇంటెలిజెంట్ సినిమాలు తెరకెక్కించానని సి కళ్యాణ్ అన్నారు. నాగబాబు అంటే తనకు చాలా ఇష్టమని సి కళ్యాణ్ తెలిపారు. లోఫర్ సినిమాతో తాను ఏడు కోట్లు నష్టపోయాయని వరుణ్ కు అంతకు ముందు సినిమా కంటే తాను ఎక్కువ రెమ్యునరేషన్ ఇచ్చానని సి కళ్యాణ్ తెలిపారు. ఆ తరువాత మళ్లీ వరుణ్ తో సినిమా తీయాలని అనుకున్నా కాంబినేషన్ సెట్ కాలేదని సి కళ్యాణ్ పేర్కొన్నారు. తాను నష్టం వచ్చిందని సినిమాలు చేయమని ఏ హీరోను అడగలేదని సి కళ్యాణ్ చెప్పుకొచ్చారు.
ఇంటెలిజెంట్ సినిమా రిలీజ్ సమయంలో ఆ సినిమాను ఓవర్సీస్ లో రిలీజ్ చేయొద్దని హీరో ఆపాడని సి కళ్యాణ్ షాకింగ్ కామెంట్లు చేశారు. ఆరోజు సాయిధరమ్ తేజ్ కు బయట వచ్చే రెమ్యునరేషన కంటే ఎక్కువ చెప్పి ఒప్పించామని సి కళ్యాణ్ వెల్లడించారు. ఇంటెలిజెంట్ సినిమాతో కనీవిని ఎరుగని రీతిలో నష్టపోయానని సి కళ్యాణ్ అన్నారు. వినాయక్ ఇంటెలిజెంట్ ఫ్లాప్ తరువాత సంవత్సరం పాటు మామూలు మనిషి కాలేకపోయారని సి కళ్యాణ్ తెలిపారు. చిరంజీవిని సినిమా చేయాలని ఎప్పుడూ అడగలేదని చరణ్ మాత్రం సినిమా చేద్దామని అన్నారని సి కళ్యాణ్ చెప్పారు.
ఏక్ మినీ కథ సినిమా రివ్యూ & రేటింగ్!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
