‘గుర్తుందా శీతాకాలం’ పై వచ్చిన రూమర్స్ ను కొట్టిపడేసాడు..!

ట్యాలెంటెడ్ హీరో సత్యదేవ్.. ఈ లాక్ డౌన్ టైములో బాగా ఎంటర్టైన్ చేసాడనే చెప్పాలి. ‘ఉమామహేశ్వర ఉగ్రరూపస్య’ చిత్రంతో ఓటిటిలో మంచి హిట్ అందుకున్నాడు. వరల్డ్ టెలివిజన్ ప్రీమియర్ కు కూడా మంచి టి.ఆర్.పి నే లభించింది.ఇదిలా ఉండగా.. సత్యదేవ్ హీరోగా తమన్నా హీరోయిన్ గా.. కన్నడంలో విజయం సాధించిన ‘లవ్ మాక్ టైల్’ చిత్రాన్ని తెలుగులో రీమేక్ చెయ్యబోతున్న సంగతి తెలిసిందే. ఈ ప్రాజెక్టు ఆఫీషియల్ గా లాంచ్ అయ్యింది కూడా.

‘గుర్తుందా శీతాకాలం’ అనే టైటిల్ తో ఈ చిత్రం తెరకెక్కనుంది. నాగ శేఖర్ దర్శకుడు.. అలాగే నిర్మాత కూడా..! అయితే ఈ చిత్రం ఇంకా సెట్స్ పైకి వెళ్ళకపోవడంతో.. ఆగిపోయిందనే ప్రచారం మొదలయ్యింది. కాలభైరవ ఈ చిత్రానికి సంగీత దర్శకుడు కావడంతో.. ‘గుర్తుందా శీతాకాలం’ ఆడియో హక్కులకు కూడా మంచి డిమాండ్ ఏర్పడింది. ఈ చిత్రం ఆడియో రైట్స్ ను.. ఓ లీడింగ్ సంస్థ ఫ్యాన్సీ రేటు చెల్లించి సొంతం చేసుకుందట.

అయితే ఇప్పుడు ఈ చిత్రం ఆగిపోయిందనే ప్రచారం జరుగుతుండడంతో హీరో సత్యదేవ్ అలెర్ట్ అయ్యి క్లారిటీ ఇచ్చాడు. ఆయన మాట్లాడుతూ.. ‘ ‘గుర్తుందా శీతాకాలం’ ప్రాజెక్టు ఆగిపోలేదు.దయచేసి అలాంటి వార్తలను నమ్మకండి. పర్ఫెక్ట్ షెడ్యూల్ ప్లాన్ చేసి త్వరలోనే షూటింగ్ మొదలుపెడతాము’ అంటూ చెప్పుకొచ్చాడు.

Most Recommended Video

‘ఆర్.ఆర్.ఆర్’ : భీమ్ పాత్రకు రాజమౌళి ఆ పాయింటునే తీసుకున్నాడా?
‘బిగ్ బాస్’ అఖిల్ గురించి మనకు తెలియని విషయాలు..!
టాలీవుడ్లో 30 కోట్ల మార్కెట్ కలిగిన హీరోలు ఎవరో తెలుసా?