‘దేవర’ తో తెలుగులో అత్యధిక గ్రాస్ కలెక్షన్స్ ను సాధించిన 10 సినిమాలు!

తెలుగు సినిమా రేంజ్ బాగా పెరిగింది. ఒకప్పుడు ఇండియన్ సినిమా అంటే కేవలం బాలీవుడ్ సినిమాల గురించి మాత్రమే చెప్పుకునేవారు. అక్కడి సినిమాలకే వందల కోట్లు కలెక్షన్స్ వచ్చాయని చెప్పుకునే వారు. అయితే ‘బాహుబలి’ తో తెలుగు సినిమా స్థాయి బాగా పెరిగింది. ఆ తర్వాత టాలీవుడ్లో వరుసగా పాన్ ఇండియా సినిమాలు రూపొందుతున్నాయి. పెద్ద బడ్జెట్ సినిమాలు చేయడానికి కూడా దర్శక నిర్మాతలు ఆసక్తి చూపుతున్నారు. తెలుగులో రూపొందే పాన్ ఇండియా సినిమాలు సౌత్లోనే కాకుండా నార్త్ లో కూడా భారీ వసూళ్లు సాధిస్తున్న సందర్భాలు మనం చూస్తూనే ఉన్నాం.

వంద కోట్లు గ్రాస్ అనేది తెలుగు సినిమాకి ఇప్పుడు కేక్ వాక్ అయిపోయింది. మొదటి రోజే మన తెలుగు సినిమాలు వంద కోట్లకు పైగా గ్రాస్ సాధిస్తున్న సందర్భాలు మనం చూస్తున్నాం. సరే ఈ విషయాలు పక్కన పెట్టేసి.. టాలీవుడ్ సినిమాల్లో మొదటివారమే అత్యధిక గ్రాస్ వసూళ్లు సాధించిన సినిమాలు ఏంటో? అందులో ‘దేవర’ ఏ ప్లేస్లో ఉందో తెలుసుకుందాం రండి :

1) బాహుబలి 2 : ప్రభాస్, దర్శకధీరుడు రాజమౌళి కాంబినేషన్లో హ్యాట్రిక్ మూవీగా రూపొందిన ‘బాహుబలి 2’.. మొదటి వారం వరల్డ్ వైడ్ రూ.816.3 కోట్లు గ్రాస్ ను రాబట్టి.. ఇప్పటికీ నెంబర్ 1 ప్లేస్ లో ట్రెండ్ అవుతుంది.

2) ఆర్.ఆర్.ఆర్ : రాజమౌళి దర్శకత్వంలో ఎన్టీఆర్, రాంచరణ్..లు హీరోలుగా తెరకెక్కిన ఈ పాన్ ఇండియా కమ్ బిగ్గెస్ట్ మల్టీస్టారర్ చిత్రం మొదటి వారం వరల్డ్ వైడ్ గా రూ.709.22 కోట్లు గ్రాస్ ను కలెక్ట్ చేసింది.

3) కల్కి 2898 ad : పాన్ ఇండియా స్టార్ ప్రభాస్ హీరోగా నాగ్ అశ్విన్ దర్శకత్వంలో తెరకెక్కిన ఈ పాన్ ఇండియా చిత్రం మొదటి వారం వరల్డ్ వైడ్ గా రూ.658.66 కోట్లు గ్రాస్ ను కలెక్ట్ చేసి.. నాన్- రాజమౌళి రికార్డ్స్ కొట్టింది.

4) సలార్ : పాన్ ఇండియా స్టార్ ప్రభాస్ హీరోగా ప్రశాంత్ నీల్ దర్శకత్వంలో తెరకెక్కిన ఈ పాన్ ఇండియా చిత్రం వరల్డ్ వైడ్ గా మొదటి వారం రూ.485.52 కోట్లు గ్రాస్ ను కలెక్ట్ చేసింది.

5) ఆదిపురుష్ : పాన్ ఇండియా స్టార్ ప్రభాస్ హీరోగా బాలీవుడ్ కి చెందిన ఓం రౌత్ దర్శకత్వంలో తెరకెక్కిన ఈ మైథలాజికల్ పాన్ ఇండియా మూవీ.. మొదటి వారం వరల్డ్ వైడ్ గా రూ.356.8 కోట్లు గ్రాస్ ను రాబట్టింది.

6)సాహో : పాన్ ఇండియా స్టార్ ప్రభాస్ హీరోగా సుజిత్ దర్శకత్వంలో తెరకెక్కిన ఈ పాన్ ఇండియా చిత్రం మొదటి వారం వరల్డ్ వైడ్ గా రూ.351.08 కోట్లు గ్రాస్ ను రాబట్టి రికార్డులు సృష్టించింది.

7) ‘దేవర’ : ఎన్టీఆర్ హీరోగా కొరటాల శివ దర్శకత్వంలో తెరకెక్కిన ఈ పాన్ ఇండియా చిత్రం మొదటి వారం వరల్డ్ వైడ్ గా రూ.338.25 కోట్లు గ్రాస్ ను రాబట్టింది.

8) బాహుబలి(ది బిగినింగ్) : పాన్ ఇండియా స్టార్ ప్రభాస్ హీరోగా రాజమౌళి దర్శకత్వంలో ‘ఛత్రపతి’ తర్వాత తెరకెక్కిన ఈ పాన్ ఇండియా చిత్రం వరల్డ్ వైడ్ గా రూ.220.6 కోట్లు గ్రాస్ ను కలెక్ట్ చేసింది.

9) పుష్ప(పుష్ప ది రైజ్) : అల్లు అర్జున్ హీరోగా సుకుమార్ దర్శకత్వంలో ‘ఆర్య’ ‘ఆర్య 2’ వంటి చిత్రాల తర్వాత తెరకెక్కిన ఈ పాన్ ఇండియా చిత్రం మొదటి వారం వరల్డ్ వైడ్ గా రూ.195.18 కోట్లు గ్రాస్ ను కలెక్ట్ చేసి టాప్ 10లో చోటు సంపాదించుకుంది.

10)సైరా : మెగాస్టార్ చిరంజీవి, దర్శకుడు సురేందర్ రెడ్డి కాంబినేషన్లో తెరకెక్కిన ఈ పాన్ ఇండియా సినిమా మొదటి వారం వరల్డ్ వైడ్ గా రూ.186.56 కోట్లు గ్రాస్ ను కలెక్ట్ చేసింది.