దేశంలోని అన్ని చిత్ర పరిశ్రమలకు చెందిన హీరోలు మరియు హీరోయిన్స్, సినిమాలకు సంబంధించిన సర్వే చేస్తూ ఉంటుంది ప్రముఖ ఆర్మాక్స్ మీడియా. ఈ సంస్థ ప్రతి ఏడాది ప్రజల అభిప్రాయాల ప్రకారం రేటింగ్స్ ఇస్తూ ఉంటుంది. ఇక 2020 కి కూడా ఆర్మాక్స్ ప్రజల ఎన్నిక ఆధారంగా చిత్ర పరిశ్రమలకు చెందిన హీరో హీరోయిన్స్ కి ర్యాంక్స్ ఇవ్వడం జరిగింది. ఐతే టాలీవుడ్ నుండి అల్లు అర్జున్ మొదటి స్థానంలో నిలిచి అందరినీ ఆశ్యర్యపరిచాడు. ఈ సంస్థ సర్వే ప్రకారం అత్యంత ప్రజాదరణ పొందిన హీరోగా బన్నీ మొదటి స్థానంలో నిలిచాడు కాగా రెండవ స్థానములో మహేష్ నిలిచాడు.
మూడవ స్థానములో ప్రభాస్, నాలుగవ స్థానంలో పవన్ కళ్యాణ్ నిలువగా ఎన్టీఆర్ ఐదవ స్థానానికి పరిమితం అయ్యాడు. ఈ సర్వేలో చిరంజీవి ఆరవ స్థానంలో ఉండగా విజయ్ దేవరకొండ ఏడు, నాని ఎనిమిదవ స్థానంలో ఉన్నారు. ఇక తొమ్మిదవ స్థానంలో రామ్ చరణ్ పదవ స్థానంలో వెంకటేష్ నిలిచారు. ఈ ర్యాంకింగ్స్ మనం గమనిస్తే కొన్ని సంచలన విషయాలు తెలుస్తాయి. మెగా హీరో రామ్ చరణ్ విజయ్ దేవరకొండ కంటే కూడా వెనుకబడడం అందరిని షాక్ గురిచేస్తున్న అంశం. మెగా ఫ్యామిలీ హీరో యంగ్ హీరోలైన విజయ్ దేవరకొండ మరియు నాని కంటే వెనుక బడ్డాడు.
బన్నీ, మహేష్ మొదటి రెండు స్థానాల్లో నిలవడానికి వారు విడుదల చేసిన సంక్రాంతి చిత్రాలు కారణం అయ్యాయి. ఐతే ఆర్ ఆర్ ఆర్ లాంటి భారీ చిత్రంలో నటిస్తున్న రామ్ చరణ్ గత చిత్రం రంగస్థలం ఇండస్ట్రీ కొట్టింది. అలాంటిది…చరణ్ టూ టైర్ హీరోలకంటే కూడా ర్యాంకింగ్ లో వెనుకబడడం విస్తుగొలిపే అంశం. మెగా ఫ్యామిలీ వారసులుగా ఉన్న బన్నీ, చరణ్ ర్యాంకింగ్స్ లో వ్యత్యాసం కూడా చెప్పుకోవాలి.
Most Recommended Video
కృష్ణ అండ్ హిజ్ లీల సినిమా రివ్యూ & రేటింగ్
పెంగ్విన్ సినిమా రివ్యూ & రేటింగ్!
టాలీవుడ్ లో అత్యధిక నష్టాలు మిగిల్చిన పది చిత్రాలు ఇవే
