Ram Pothineni: రామ్ ఎమోషనల్ పోస్ట్!

May 18, 2021 / 12:31 PM ISTByFilmy Focus

Join Us

దేశంలో పరిస్థితులు రోజురోజుకి దారుణంగా మారుతున్నాయి. వేల సంఖ్యలో మరణాలు సంభవిస్తున్నాయి. ఇప్పటికే ఇండస్ట్రీకి చెందిన చాలా మంది సెలబ్రిటీలు మృత్యువాత పడ్డారు. సెలబ్రిటీలకు సంబంధించిన కొందరు బంధువులు కూడా కాలం చేశారు. రీసెంట్ గా యంగ్ హీరో రామ్ తాతయ్య కన్నుమూసినట్లు తెలుస్తోంది. ఈ విషయాన్ని రామ్ స్వయంగా తన ట్విట్టర్ ద్వారా వెల్లడించారు. తన తాతయ్య మరణాన్ని తట్టుకోలేకపోతున్నానని చెబుతూ ఆయన జర్నీ గురించి ఎమోషనల్ గా రాసుకొచ్చారు.

విజయవాడలో లారీ డ్రైవర్ గా పనిచేస్తూ కుటుంబాన్ని ఎంతో జాగ్రత్తగా చూసుకున్నారని.. ఓ రాజుకి ఉండే హృదయం మీకుందని అన్నారు. గొప్పతనం అనేది జేబులో ఉండే దాన్ని బట్టి కాకుండా హృదయంలో ఉండే దాన్నిబట్టి వస్తుందని మాకు చూపించారని ఎమోషనల్ అయ్యారు. మీ పిల్లల కోసం మీరు కన్న కలలే ఈరోజు వారిని ఈ స్థాయిలో ఉండేలా చేశాయని.. ఆ విషయంలో మీకు ధన్యవాదాలు. రెస్ట్ ఇన్ పీస్ తాతగారు అంటూ ఎమోషనల్ అయ్యారు.

రెండు రోజుల క్రితం పుట్టినరోజు వేడుకలు జరుపుకున్న రామ్ ఇంట ఇప్పుడు తీవ్ర విషాదం నెలకొంది. ఇక సినిమాల విషయానికొస్తే.. ఈ ఏడాది ‘రెడ్’ సినిమాతో ప్రేక్షకులను అలరించిన రామ్ ప్రస్తుతం లింగుస్వామి దర్శకత్వంలో ఓ సినిమా చేస్తున్నారు. లాక్ డౌన్ ఎత్తేసిన వెంటనే ఈ సినిమా షూటింగ్ ను మొదలుపెట్టనున్నారు. తెలుగు, తమిళ భాషల్లో ఈ సినిమాను రూపొందిస్తున్నారు.

From humble beginnings of a lorry driver in Vijayawada sleeping with lorry tires under your bed to providing & caring for your family,you’ve always had the heart of a King.

You’ve shown us that richness comes not from what’s in your pocket but from what lies in your heart.
1/2 pic.twitter.com/TLBvzWRaiT

— RAm POthineni (@ramsayz) May 18, 2021