అయిదు పాత్రల్లో త్రిష అభినయం!

త్రిష కెరీర్ ప్రారంభమై 13 ఏళ్ళు కావస్తున్నా ఇంకా సినిమాలతో బిజీగా ఉంది. వాస్తవానికి హీరోయిన్ కెరీర్ పదేళ్ళుంటేనే ఎక్కువ. అలాంటిది ఇప్పటికీ కమల్, అజిత్, ధనుష్ వంటి హీరోలతో సినిమాలు చేస్తూనే మరోవైపు లేడీ ఓరియెంటెడ్ సినిమాలు చేస్తూ దూసుకెళుతోంది త్రిష కృష్ణన్. ఇదిలా ఉంటే త్రిషకి సంబంధించి ఓ ఆసక్తికర వార్త వెలుగులోకొచ్చిందిప్పుడు.ప్రస్తుతం మాదేష్ దర్శకత్వం వహిస్తోన్న ‘మోహిని’ చిత్రంలో నటిస్తోన్న త్రిష త్వరలో అయిదు పాత్రల్లో అబ్బురపరచనుంది. ఈ మేరకు ఓ తమిళ దర్శకుడు కథను సిద్ధం చేశాడట.

ఇందులోని ఓ రెండు పాత్రల్లో త్రిష మరింత నాజూగ్గా కనపడనుందట. అందుకోసం త్రిష బరువు కూడా తగ్గనుంది. కేవలం త్రిష కాస్ట్యూమ్స్ ఖర్చే పాతిక లక్షలుగా ఉంటుందని సమాచారం. ఆ లెక్కన బడ్జెట్ ఎంతుంటుందో మరి. హీరో హీరోయిన్లు అడపాదడపా ద్విపాత్రాభినయం చేస్తుండడం చూశాం. అయితే మునుపెన్నడూ లేని విధంగా ఓ హీరోయిన్ అయిదు పాత్రలు పోషించడం విశేషమే. ఇదంతా ‘చీకటిరాజ్యం’ సినిమా రూపేణా కమల్ ద్వారా సంక్రమించిందంటారా..? అన్నట్టు త్రిష నటించిన ‘నాయకి’ తమిళ వెర్షన్ ‘నాయగి’ ఈ నెల 16న విడుదల కానుంది