సౌత్ క్వీన్ ఎవరో తెలిసిపోయింది!

బాలీవుడ్‌లో ఘ‌న విజ‌యంసాధించ‌డ‌మే కాకుండా విమ‌ర్శ‌కుల ప్ర‌శంస‌ల‌నూ, అవార్డుల‌నూ అందుకొంది క్వీన్‌ చిత్రం. కంగ‌నా ర‌నౌత్ కెరీర్‌లో అతి పెద్ద విజ‌యాన్ని సాధించిపెట్టింది. ఈ సినిమాని ద‌క్షిణాది భాష‌ల్లో రీమేక్ చేయాల‌ని ఎప్ప‌టి నుంచో ప్ర‌య‌త్నాలు జ‌రుగుతున్నాయి. స‌మంత‌, న‌య‌న‌తార‌, తాప్సి.. ఇలా చాలా పేర్లు ప‌రిశీల‌న‌లోకి వ‌చ్చాయి.

చివ‌రికి  క్వీన్‌గా త్రిష పేరు ఖ‌రారైన‌ట్టు టాక్‌. ఈ చిత్రానికి న‌టి రేవ‌తి ద‌ర్శ‌క‌త్వం వహించనున్నారు. తెలుగు, త‌మిళ‌,క‌న్న‌డ‌, మ‌ల‌యాళ భాష‌ల్లో ఒకేసారి ఈ చిత్రాన్ని విడుద‌ల చేయాలని భావిస్తున్నారు. త్రిష ప్ర‌స్తుతం ‘మోహిని’ అనే హార‌ర్ చిత్రంలో న‌టిస్తోంది. ఆ సినిమా పూర్త‌యిన వెంట‌నే క్వీన్ సెట్స్‌పైకి వెళ్లే అవ‌కాశం ఉంది.

చాలా రోజుల గ్యాప్ తరువాత వరుసగా త్రిషకు సౌత్ లో అవకాశాలు లభిస్తుండడంతో ఈ అమ్మడు తెగ సంబరపడిపోతుందట. మరి ఈ చిత్రంతో త్రిష కెరీర్ ఎలాంటి మలుపు తిప్పుకుంటుందో చూడాలి..!