త్రిష అసంతృప్తికి కారణం ?

చిరంజీవి, బాలకృష్ణ, నాగార్జున, వెంకటేష్, పవన్ కళ్యాణ్, మహేష్ బాబు, ప్రభాస్, ఎన్టీఆర్… ఇలా టాలీవుడ్  ప్రముఖ హీరోలందరితోను త్రిష నటించి హిట్ అందుకుంది. తమిళంలోనూ టాప్ హీరోలందరితో జోడి కట్టింది. బాలీవుడ్ లోకి అడుగు పెట్టి యాక్షన్ హీరో అక్షయ్ కుమార్ తో ఆడి పాడింది. అయినా సౌత్ ఇండియన్ సూపర్ స్టార్ రజనీ కాంత్ తో కలిసి స్క్రీన్ ని పంచుకోలేక పోయింది.

చిత్ర పరిశ్రమకు వచ్చి పదిహేనేళ్లు అవుతున్నా రజనీ తో నటించ లేక పోయినందుకు ఈ ముద్దుగుమ్మ తెగ బాధ పడిపోతోంది. “రజనీకాంత్ తో నటించలేక పోవడం నన్ను చాలా బాధకలిగిస్తోంది” అని ఓ మీడియా సంస్థకు ఇచ్చిన ఇంటర్వ్యూ లో త్రిష వెల్లడించింది. టైటిల్ రోల్ పోషించిన “నాయకి” చిత్రం ఫెయిల్ అయినా, త్రిషపై ఆ ప్రభావం ఏమి పడలేదు. ప్రస్తుతం మూడు తమిళ్ సినిమాలో నటిస్తూ బిజీగా ఉంది. ప్రకటనలు అయితే చేతి నిండా ఉన్నాయి.

రజనీ కాంత్  ప్రస్తుతం రోబో 2.0 సినిమా చేస్తున్నారు. ఇందులో అమీ జాక్సన్ హీరోయిన్ గా నటిస్తోంది. ఆ తర్వాత సూపర్ స్టార్ కుమార్తెలు తండ్రి జీవితం ఆధారంగా తీయనున్నసినిమాలో నైనా త్రిష కు అవకాశం ఇస్తారేమో చూడాలి.