సోషల్ మీడియా వచ్చిన తర్వాత అభిమానులు తాము ఇష్టపడే హీరో, హీరోయిన్స్ తో డైరక్ట్ గా మాట్లడగలుగుతున్నారు. అభిప్రాయాన్ని నేరుగా చెప్పగలుగుతున్నారు. ఇది నటీనటులకు కూడా ఎంతగానో ఉపయోగపడుతోంది. నిజమైన ఫీడ్ బ్యాక్ వారికి అందుతోంది. అయితే కొంతమంది స్టార్స్ ని తమ మాటలతో ఇబ్బంది పెడుతున్నారు. నోటికి వచ్చింది రాసి ఆగ్రహం తెప్పిస్తున్నారు. తాజాగా ఓ అభిమాని వల్ల త్రిషకి కోపం వచ్చింది. అతను పేరు చెప్పకుండా తన ఆగ్రహాన్ని ట్విట్టర్ వేదికపై వ్యక్తం చేసింది. “నా టైమ్ లైన్‌లోకి ప్ర‌వేశించి ఇంత అస‌భ్య‌క‌రంగా మాట్లాడ‌తావా?
నా ప‌ట్ల నీకున్న అభిమానాన్ని చూపించుకునేందుకు ఇత‌ర న‌టుల గురించి అవ‌మాన‌క‌రంగా ట్వీట్ చేస్తావా? లేదంటే న‌న్నే ఈ విధంగా వేధించాల‌ని చూస్తున్నావా? నేను నిన్ను బ్లాక్ చేయ‌బోతున్నాను” అంటూ త్రిష ట్వీట్ చేసింది. ఇందులో తనను విమర్శించలేదని తోటి నటిని విమర్శించినట్లు స్పష్టంగా తెలుస్తోంది. అయినప్పటికీ త్రిష అలా ఎవరి అభిమాని అయినా మరో హీరో, హీరోయిన్ గురించి తప్పుగా మాట్లాడకూడదని గట్టిగా హెచ్చరించింది. ఆమె నిర్ణయాన్ని నెటిజనులు అభినందిస్తున్నారు. ప్రస్తుతం త్రిష నటించిన ప్రయోగాత్మక చిత్రం 96 రిలీజ్ కి సిద్ధమవుతోంది. సి.ప్రేమ్ కుమార్ దర్శకత్వంలో తెరకెక్కిన ఈ సినిమాలో విజయ్ సేతుపతి హీరోగా నటించారు. ఈ సినిమా తనకు మంచి పేరుని తెచ్చిపెడుతుందని త్రిష నమ్ముతోంది.
Home