దేశవ్యాప్తంగా ఇప్పుడు ఒక్కటే పేరు మార్మోగుతోంది. అదే విజయ్ దళపతి.. సారీ TVK విజయ్(Trisha). తమిళగ వెట్రి కళగం(TVK) అనే పార్టీని స్థాపించిన కొన్ని సంవత్సరాల్లోనే విజయ్ ఎన్నికల్లో 100 కి పైగా స్థానాల్లో విజయం సాధించడం అనేది ఓ సంచలనం.
సోషల్ మీడియా అంతా ఇప్పుడు విజయ్ నామస్మరణతో హోరెత్తిపోతోంది. ఈ క్రమంలో నటి త్రిష పేరు కూడా ట్రెండింగ్లోకి రావడం అనేది అందరి అటెన్షన్ డ్రా చేసే విషయం. ఆల్రెడీ విజయ్ ఇంటికి త్రిష వెళ్లిన వీడియోలు వైరల్ అవుతున్నాయి.
మరోపక్క ఆమె గతంలో ఒక ఇంటర్వ్యూలో సరదాగా చేసిన వ్యాఖ్యలు కూడా ఇప్పుడు నెట్టింట హాట్ టాపిక్ అయ్యాయి. ఆ వీడియోలో ఆమెను ‘భవిష్యత్తులో మీరు ఏమవ్వాలనుకుంటున్నారు?’ అని రిపోర్టర్ ప్రశ్నించగా… ‘రాబోయే పదేళ్ళలో నేను సీఎం అవుతాను’ అంటూ స్టేట్మెంట్ ఇచ్చింది.అది అప్పట్లో ఒక సరదా సంభాషణ అయినప్పటికీ…ఇప్పుడు విజయ్ పార్టీ సాధిస్తున్న విజయం నేపథ్యంలో ఆ వీడియో మళ్ళీ వైరల్ అవుతుంది.
విజయ్ రాజకీయాల్లోకి వస్తున్నారని తెలిసినప్పటి నుండే త్రిష ఆయన పార్టీలో చేరుతారని పెద్ద ఎత్తున ప్రచారం జరిగింది. మరోవైపు వీరి మధ్య ఎఫైర్ ఉన్నట్టు కూడా టాక్ నడిచింది. దానిని అంగీకరిస్తున్నట్టు వీరు బహిరంగంగా తిరిగేశారు. అటు తర్వాత విజయ్ భార్య కూడా విడాకులకు అప్లై చేయడం ఓ సంచలనం అయ్యింది.ఇదిలా ఉంటే..ఈరోజు త్రిష పుట్టినరోజు కూడా కావడంతో.. ‘పుష్ప 2’ లోని ఓ సన్నివేశాన్ని కూడా వైరల్ చేస్తున్నారు నెటిజెన్లు.
