హరికృష్ణ హఠాన్మరణంతో ఎన్టీఆర్ తాజా చిత్రం “అరవింద సమేత” రిలీజ్ పోస్ట్ పోన్ అవ్వడం ఖాయమని అందరూ భావించారు. అయితే.. చిన్న ఖర్మ కార్యక్రమం పూర్తవ్వగానే సెట్స్ లో పాల్గొని అందర్నీ ఆశ్చర్యానికి గురి చేశాడు జూనియర్ ఎన్టీఆర్. అయితే.. నిజానికి సాంగ్ షూట్ కోసం అవుట్ డోర్ షెడ్యూల్ ప్లాన్ చేసిన త్రివిక్రమ్ ఎన్టీఆర్ మానసిక స్థితిని దృష్టిలో పెట్టుకొని హైద్రాబాద్ లోని స్పెషల్ సెట్స్ లో ఆ సాంగ్స్ ను షూట్ చేయాలని ఫిక్స్ అయ్యాడట. ఈమేరకు ఆల్రెడీ టీం కి వర్క్ కూడా కేటాయించేశాడట. ఎట్టి పరిస్థితుల్లోనూ సినిమాని అక్టోబర్ లో విడుదల చేయాలని మాత్రం స్ట్రాంగ్ గా ఫిక్స్ అయ్యాడట.
ఈ సినిమాని ఎన్టీఆర్ తండ్రి హరికృష్ణకు నివాళి ఇవ్వనున్నారని సమాచారం. ఏదేమైనా.. రాయలసీమ బ్యాక్ డ్రాప్ లో తెరకెక్కుతున్న సినిమా కావడంతో మాస్ లుక్ లో ఎన్టీఆర్ దర్శనమివ్వనున్నాడు. ఎన్టీఆర్ సరసన పూజ హెగ్డే హీరోయిన్ గా నటిస్తోంది. ఈ సినిమాలో జగపతి బాబు, నాగ బాబులు ఫ్యాక్షన్ లీడర్స్ గా కనిపించనున్నారు. మొదటి సారి ఎన్టీఆర్, త్రివిక్రమ్ కలవడంతో ఈ సినిమాపై భారీ అంచనాలు ఏర్పడ్డాయి.
