ప్రకాశం జిల్లాకు చెందిన ఆది జబర్ధస్ టీమ్ లో ఒకడిగా వచ్చి టీమ్ లీడర్ స్థాయికి ఎదిగాడు. హైపర్ ఆది గా తన పంచ్ లతో నవ్వులు పేలుస్తున్నాడు. అతని స్కిట్ వీడియోలకు యూట్యూబ్ లో ఎక్కువ వ్యూస్ అందుకుంటోంది. అతితక్కువ కాలంలోనే ఎంతోమంది అభిమానులను సంపాదించుకున్నాడు. ఇప్పుడు మరో అద్భుతమైన అవకాశాన్ని సొంతం చేసుకున్నాడు. మాటల మాంత్రికుడు త్రివిక్రమ్ శ్రీనివాస్ నుంచి పిలుపు అందుకున్నాడు. తన టీమ్ లో చేరమని ఆది కి త్రివిక్రమ్ ఆహ్వానం పంపినట్లు తెలిసింది. స్కిట్ లను అద్భుతంగా రాసి, మంచి టైమింగ్ తో డైలాగులు చెబుతుండడంతో ఈ ఆఫర్ ఇచ్చినట్లు సమాచారం.
బీటెక్ చదివినా సినిమాల్లోకి వెళ్లాలనే ఆశతో చేస్తున్న ఉద్యోగాన్ని వదిలి హైదరాబాద్ కి వచ్చాడు. ఇన్నాళ్ళకి తన కల నెరవేరుతుండడంతో ఆది సంబరపడి పోతున్నాడు. త్రివిక్రమ్ ప్రస్తుతం చేయనున్న పవన్ కళ్యాణ్, ఎన్టీఆర్, మహేష్ బాబు సినిమా స్క్రిప్ట్ వర్క్ లో రచయితగా ఆది భాగం పంచుకోనున్నాడు. తెరపైన కూడా కనిపిస్తాడా? అనే విషయం పై ఇంకా క్లారిటీ రాలేదు. త్రివిక్రమ్ ఆ అవకాశం కూడా ఇచ్చిన ఆశ్చర్యపోనవసరం లేదని ఫిల్మ్ నగర్ వాసులు చెబుతున్నారు.
Also, do SUBSCRIBE to our YouTube channel to get latest Tollywood updates.
