అత్తారింటికి దారేది చిత్రం ద్వారా టాలీవుడ్ రికార్డులను తిరగరాసిన డైరక్టర్ త్రివిక్రమ్ శ్రీనివాస్. ఇప్పుడు ఆయన దర్శకత్వం వహించిన “అ ఆ” సినిమా రిలీజ్ కి సిద్ధంగా ఉంది. దీని తర్వాత తమిళ్ హీరో సూర్య తో సినిమా చేయనున్నారు. ఎప్పటి నుంచో తెలుగులో డైరక్ట్ సినిమా చేయాలని అనుకుంటున్నాసూర్య కి కుదరలేదు. త్రివిక్రమ్ చెప్పిన కథ నచ్చడంతో ఒకేసారి తెలుగు, తమిళ్ భాషల్లో చిత్రాన్నినిర్మించేందుకు సూర్య గ్రీన్ సిగ్నల్ ఇచ్చేశాడు.
సూర్య నటించిన “24” సినిమా 100 కోట్ల క్లబ్ లో చేరింది. ఈ ఉత్సాహంలో సూర్య “సింగం 3 ” చిత్రాన్ని ఉన్నత విలువలతో తెరకెక్కించాలని, ఆ పనుల్లో బిజీగా ఉన్నారు. ఈ సినిమా పూర్తి కాగానే, త్రివిక్రమ్ తో తీయనున్న మూవీ గురించి అధికారికంగా ప్రకటించనున్నారు. పాత్రకు తగినట్లు మారిపోయే నటుడు, ప్రతి మాటను పంచ్ లాగా చెప్పే డైరక్టర్ కలిసి చేయనున్న సినిమా ఎలాంటి హిట్ సాధిస్తుందో తెలుసుకోవాలంటే వేచి చూడాల్సిందే.
