త్రివిక్రమ్ రేంజే వేరంటున్న కమెడియన్..?

భారీ బడ్జెట్ చిత్రాలనేసరికి మనకి టక్కున గుర్తొచ్చే డైరెక్టర్లు శంకర్, రాజమౌళి అనడంలో సందేహం లేదు. బడ్జెట్ పెట్టించడం మాత్రమే కాదు.. దాన్ని తెర పై చూసే ప్రేక్షకులు కూడా తృప్తి పొందాలి. అంతటి పెట్టుబడి తిరిగి రావాలి. అంత స్టామినా వారిద్దరికి మాత్రమే ఉందని ప్రతీ ప్రేక్షకుడికీ తెలిసిన సంగతే. ఇదిలా ఉండగా అవ‌కాశం ఇస్తే… త్రివిక్ర‌మ్ కూడా రాజ‌మౌళి, శంకర్ ల కంటే ఘ‌నంగా ఖ‌ర్చు పెట్టించగలడట. త్రివిక్ర‌మ్ ఇంత భారీ బడ్జెట్ చిత్రాలని కచ్చితంగా మేనేజ్ చేయగలదని తన ప్రియ మిత్రుడ సునీల్ చెప్పిన మాటలివి.

• జెర్సీ రివ్యూ కోసం ఇక్కడ క్లిక్ చెయ్యండి 
• చిత్రలహరి రివ్యూ కోసం ఇక్కడ క్లిక్ చెయ్యండి 
• మజిలీ రివ్యూ కోసం ఇక్కడ క్లిక్ చెయ్యండి 
• లక్ష్మీస్ ఎన్టీఆర్  రివ్యూ కోసం ఇక్కడ క్లిక్ చెయ్యండి  

గతంలో సునీల్ – త్రివిక్ర‌మ్ ఇద్ద‌రూ రూమ్మేట్స్ అన్న సంగ‌తి తెలిసిందే. ఆ రోజుల్లో త్రివిక్ర‌మ్ సునీల్‌కి బోలెడ‌న్ని క‌థ‌లు చెప్పేవాడట. అందులో రూ.500 కోట్ల బ‌డ్జెట్ అవ‌స‌ర‌మ‌య్యే భారీ సినిమా కూడా ఉంద‌ని సునీల్ చెప్పుకొచ్చాడు. అదే క‌థని ఇప్పుడు తీయాల్సివ‌స్తే ఏకంగా 2000 కోట్ల భారీ బడ్జెట్ అవుతుందని చెబుతున్నాడు. సునీల్ మాట్లాడుతూ ”త్రివిక్ర‌మ్ అప్ప‌ట్లో చాలా క‌థ‌లు చెప్పేవాడు. అయితే అందులో స‌గం కూడా వాడ‌లేదు. త్రివిక్ర‌మ్‌ ఇప్పుడున్న స్థానం చాలా త‌క్కువ‌. నేనైతే త్రివిక్రమ్ ఇంకా ఎత్తుకు ఎదుగుతాడ‌నుకున్నాను. ఒక‌ట్రెండు సినిమాలకే బాలీవుడ్ కి చెక్కేస్తాడేమో అనుకున్నా. లెక్క ప్రకారం త‌న రేంజ్ అలాంటిది” అంటూ తన స్నేహితుడి కెపాసిటీ గురించి చెప్పుకొచ్చాడు సునీల్‌.