మాటల మాంత్రికుడు త్రివిక్రమ్ శ్రీనివాస్ దర్శకత్వంలో తెరకెక్కిన చిత్రం ‘అ..ఆ’. నితిన్- సమంత జంటగా నటించిన ఈ చిత్రం ఇటీవలే ప్రేక్షకుల ముందుకు వచ్చింది. ఈ చిత్రం బాక్సాఫీస్ వద్ద మంచి విజయాన్ని నమోదు చేయడంతో చిత్ర బృందం చిత్ర విజయాన్ని ఆస్వాదిస్తున్నారు. అయితే త్రివిక్రమ్ మాత్రం ఈ మూవీ సక్సెస్ ను ఎంజాయ్ చేయలేక పోతున్నాడట.
పవన్ కళ్యాణ్ తో త్రివిక్రమ్ తదుపరి చిత్రం తెరకెక్కనుండటమే ఇందుకు కారణమని అంటున్నారు. ఈ చిత్ర స్క్రిప్ట్ వర్క్ లో త్రివిక్రమ్ నిమగ్నమై ఉన్నాడని, పవన్ సూచన మేరకు వీలైనంత త్వరగా ప్రీ ప్రొడక్షన్ వర్క్స్ పూర్తి చేయాలనే యోచన మాటల మాంత్రికుడు ఉన్నాడని సమాచారం. కాగా ప్రస్తుతం పవన్ ఎస్జే సూర్య దర్శకత్వంలో నటిస్తున్నాడు.
