అరవింద సమేతతో తన స్టామినాను చాటుకున్న త్రివిక్రమ్

దర్శకుడు ధీరుడు రాజమౌళి ఒకానొక సందర్భంలో ఇచ్చిన ఇంటర్వ్యూల్లో “సుకుమార్, త్రివిక్రమ్ శ్రీనివాస్ లు పూర్తి కాన్సన్ ట్రేషన్ తో పూర్తిస్థాయి మాస్ మసాలా సినిమాలు తీస్తే గనుక వాళ్ళతో నేను పోటీపడడం చాలా కష్టం” అని పేర్కొన్నాడు. రాజమౌళి అన్న మాటను సుకుమార్ ఆల్రెడీ “రంగస్థలం” సినిమాతో ప్రూవ్ చేయగా.. ఇవాళ త్రివిక్రమ్ శ్రీనివాస్ “అరవింద సమేత వీరరాఘవ”తో నిజం చేశాడు. “రంగస్థలం” ఆల్రెడీ తెలుగు సినిమా రికార్డ్స్ అన్నిట్నీ తిరగరాయగా.. “అరవింద సమేత” యునానిమస్ హిట్ గా నిలిచింది. త్రివిక్రమ్ రాతకి, ఎన్టీఆర్ నటనకి ప్రేక్షకులతోపాటు విమర్శకులు-విశ్లేషకులు కూడా బ్రహ్మరధం పడుతున్నారు.

పండగ సీజన్ కావడంతో “అరవింద సమేత” కూడా భారీ రికార్డ్స్ కొల్లగొట్టడం ఖాయమని భావిస్తున్నారు. మరి రాజమౌళి ఇప్పుడు తనకు గట్టి పోటీనిచ్చిన సుకుమార్, త్రివిక్రమ్ శ్రీనివాస్ లను తలదాన్నేలా తన తదుపరి చిత్రాన్ని మలుస్తాడేమో చూడాలి. ఇకపోతే.. “అజ్ణాతవాసి” అనంతరం అజ్ణాతవాసంలోకి వెళ్ళిపోయిన త్రివిక్రమ్ అభిమానులందరూ కాలర్ ఎగరేసుకొని మరీ రొమ్ము విరుస్తున్నారు. త్రివిక్రమ్ తీతకు, ఎన్టీఆర్ నటన తోడై ఈ చిత్రాన్ని సూపర్ హిట్ గా నిలిపింది.