ఇండస్ట్రీకి వారసులు కొత్త కాదు, చిరంజీవి ఫ్యామిలీ నుంచే ఒక క్రికెట్ టీం కి సరిపడా హీరోలున్నారు. ఇక అక్కినేని, నందమూరి, ఘట్టమనేని కుటుంబాల నుంచి కూడా నట వారసులు వస్తూనే ఉన్నారు. ఈ వారసుల జాబితాలో రీసెంట్ గా విజయ్ దేవరకొండ తమ్ముడు ఆనంద్ దేవరకొండ కూడా చేరాడు. ఆనంద్ దేవరకొండ పరిచయ చిత్రం “దొరసాని” టీజర్ ఇవాళ విడుదలైంది. రాజశేఖర్ చిన్న కుమార్తె శివాత్మిక కథానాయికగా నటించిన ఈ చిత్రం పీరియాడిక్ లవ్ డ్రామాగా తెరకెక్కింది.
పాపం ఇలా టీజర్ విడుదలైందో లేదో.. జనాలు విజయ్ దేవరకొండ తమ్ముడ్ని ఆడుకోవడం మొదలెట్టారు. దాదాపుగా అన్నీ నెగిటివ్ కామెంట్స్ ఉండడం గమనార్హం. సోషల్ మీడ్యా ట్రోలింగ్ అనేది ఈ కాలంలో చాలా కామన్ అయినప్పటికీ.. విజయ్ దేవరకొండ అంటే తట్టుకొని నిలబడగలిగాడు కానీ ఆనంద్ కి అంత పాజిటివ్ & డేరింగ్ యాటిట్యూడ్ ఉందా లేదా అనేది తెలియాల్సి ఉంది. ఇకపోతే.. “దొరసాని” టీజర్ ను ఇప్పటివరకూ విజయ్ దేవరకొండ షేర్ చేయకపోవడం గమనార్హం.
Home
