Tuck Jagadish: రూ.37 కోట్లకు అమ్ముడైన నాని సినిమా!

నేచురల్ స్టార్ నాని-దర్శకుడు శివ నిర్వాణ కాంబినేషన్ లో తెరకెక్కిన చిత్రం ‘టక్ జగదీష్’. మొదటి నుండి కూడా ఈ సినిమాను థియేటర్లోనే విడుదల చేయాలనుకున్నారు. కానీ మధ్యలో సినిమా ఓటీటీకి వస్తుందంటూ వార్తలు చక్కర్లు కొట్టాయి. అందులో నిజం లేదని చిత్రబృందం వెల్లడించింది. కానీ ఇప్పుడు మరోసారి ఓటీటీకి అమ్మేసినట్లు వార్తలు వస్తున్నాయి. వడ్డీలు బాగా పెరిగిపోవడంతో నిర్మాతలు సినిమాను ఓటీటీకి అమ్మేయాలని నిర్ణయించుకున్నారు. డీల్ ఆల్ మోస్ట్ ఫైనల్ స్టేజ్ కు వచ్చిందని సమాచారం.

అగ్రిమెంట్స్ చేసుకోవడం ఒక్కటే మిగిలింది. మొత్తం రూ.37 కోట్లకు సినిమాను అమెజాన్ ప్రైమ్ కి విక్రయించబోతున్నారు. ఇవి కాకుండా హిందీ డబ్బింగ్, ఆడియో, శాటిలైట్ రైట్స్ అన్నీ కలిపి దాదాపు రూ.49 నుండి రూ.50 కోట్ల వరకు బిజినెస్ జరిగే ఛాన్స్ ఉంది. సినిమాను మీడియం బడ్జెట్ లోనే నిర్మించినప్పటికీ.. కరోనా వడ్డీల భారం బాగా పెరిగిపోయింది. దీంతో థియేటర్లో విడుదల చేసి భారీ లాభాలు అందుకోవాలనుకున్నారు. కానీ పరిస్థితులు సహకరించకపోవడంతో ఇప్పుడు కొంత లాభంతోనే సరిపెట్టుకోవాల్సి వస్తుంది.

ఈ సినిమాలో నాని సరసన రీతూవర్మ హీరోయిన్ గా నటించింది. జగపతి బాబు కీలకపాత్ర పోషించిన ఈ సినిమాలో ఐశ్వర్యారాజేష్ కూడా కనిపించనుంది. ఇప్పుడు ఓటీటీలో ఈ సినిమాకి ఎలాంటి రెస్పాన్స్ వస్తుందో చూడాలి!

Most Recommended Video

ఇష్క్ మూవీ రివ్యూ & రేటింగ్!
తిమ్మరుసు మూవీ రివ్యూ & రేటింగ్!
‘నారప్ప’ మూవీ నుండీ అదిరిపోయే డైలాగులు..!