దర్శక ధీరుడు రాజమౌళి తెరకెక్కిస్తున్న భారీ మల్టీ స్టారర్ చిత్రం ‘ఆర్.ఆర్.ఆర్’. ఈ చిత్ర షూటింగు శరవేగంగా జరుగుతుంది. అల్లూరి సీతారామరాజు, కొమరం బీమ్ జీవితాల ఆధారంగా ఈ చిత్రం రూపొందుతుంది. స్వాతంత్య్రం రాకమునుపు కథ కావడంతో, అన్నిరకాల జాగ్రత్తలు తీసుకుంటూ ముందుకు సాగుతున్నాడు జక్కన్న. ఎన్టీఆర్ కొమరం భీమ్ గానూ – చరణ్ అల్లూరి సీతారామరాజు గానూ కనిపించబోతున్న ఈ చిత్రంలో ఓ హీరోయిన్ గా అలియా భట్ ను ఎంచుకున్నారు. మరో హీరోయిన్ గా బ్రిటిష్ భామ డైసీ ఎడ్గార్ జోన్స్ ను తీసుకున్నాడు.
ఇక ఓ కీలకమైన పాత్ర కోసం బాలీవుడ్ స్టార్ హీరో అజయ్ దేవగణ్ ను, అలాగే తమిళ నటుడు సముద్రఖనిని కూడా ఎంపిక చేసుకున్నామని స్వయంగా రాజమౌళినే చెప్పాడు. దీంతో పాటూ మరో రెండు కీలక పాత్రల కోసం కూడా బాలీవుడ్ హీరోలనే తీసుకోబోతున్నాడని ఫిలింనగర్ విశ్లేషకుల సమాచారం. ఇందుకోసం సంజయ్ దత్ తో పాటూ .. షాహిద్ కపూర్ ను కూడా సంప్రదించాడట. ఈ స్టార్స్ ను తీసుకోవడం ద్వారా.. మార్కెట్ పరంగా కూడా మార్కెట్ పరంగా కూడా మరింత కలిసొస్తుందనే ఆలోచనలో చిత్రయూనిట్ ఉన్నారట.
Home