Udaya Bhanu: పొట్టి వీరయ్య మృతిపై ఉదయభాను ఎమోషనల్ పోస్ట్..?

టాలీవుడ్ ప్రముఖ నటుడు పొట్టి వీరయ్య గత కొంతకాలంగా అనారోగ్య సమస్యలతో బాధ పడుతూ గుండెపోటుతో మృతి చెందిన సంగతి తెలిసిందే. అగ్గిదొర మూవీతో మరుగుజ్జు నటుడిగా టాలీవుడ్ కు పరిచయమైన వీరయ్య మృతి పట్ల టాలీవుడ్ సినీ ప్రముఖులు దిగ్భ్రాంతి వ్యక్తం చేస్తున్నారు. దాదాపు 500కు పైగా సినిమాలలో నటించిన వీరయ్య మృతి పట్ల తెలంగాణ సీఎం కేసీఆర్ సైతం సంతాపం వ్యక్తం చేసిన సంగతి తెలిసిందే. సీనియర్ యాంకర్ ఉదయభాను పొట్టి వీరయ్య మృతి విషయం తెలిసి ఎమోషనల్ అయ్యారు.

సోషల్ మీడియాలో యాక్టివ్ గా ఉండని ఉదయభాను ప్రత్యేక సందర్భాల్లో మాత్రం పోస్టులు పెడుతుంటారు. వీరయ్య అంకుల్ చనిపోయారనే వార్త తెలిసి తన గుండె ముక్కలైందని ఉదయభాను పేర్కొన్నారు. వీరయ్య అంకుల్ మరణం భరించలేని నిజం అని తాను ఎంతో బాధ పడుతున్నానని ఆమె వెల్లడించారు.ఈ ప్రపంచం ఎంతో మంచి వ్యక్తిని కోల్పోయిందని.. వీరయ్య అంకుల్ ను ఎంతో మిస్ అవుతున్నానని ఉదయభాను ఫ్యాన్స్ కన్నీళ్లు పెట్టేలా పోస్ట్ పెట్టారు.

దేవుడు మాపై కొంచెమైనా దయచూపాలంటూ ఉదయభాను పోస్ట్ లో పేర్కొన్నారు. ఉదయభాను పోస్ట్ నెట్టింట తెగ వైరల్ అవుతోంది. పొట్టి వీరయ్య సూర్యాపేట జిల్లాలోని ఫణిగిరి గ్రామానికి చెందిన వారు. నటుడు కావాలనే కోరికతో మద్రాస్ కు చేరుకుని మొదట సినిమాలకు డెకరేషన్ చేసే ఫ్లవర్ షాపులో వీరయ్య పని చేశారు. వీరయ్య భార్య మల్లిక 2008 సంవత్సరంలో మృతి చెందారు. వీరయ్య చిన్నకూతురు విజయదుర్గ కొన్ని సినిమాలలో నటించి గుర్తింపు తెచ్చుకున్నారు

Most Recommended Video

ధూమపానం మానేసి ఫ్యాన్స్ ని ఇన్స్పైర్ చేసిన 10 మంది హీరోల లిస్ట్..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
ఈ 12 మంది డైరెక్టర్లు మొదటి సినిమాతో కంటే కూడా రెండో సినిమాతోనే హిట్లు కొట్టారు..!