టాలెంటెడ్ యాక్టర్ కి నిరాశఎదురయ్యేలా ఉందే..!

టాలెంట్ ఉన్నా సరైన గుర్తింపు రాని నాటులలో సత్య దేవ్ ఒకరు. మంచి నటుడిగా అనేక సినిమాలలో సత్తా చాటిన ఈ యాక్టర్ కి బ్రేక్ అయితే రాలేదు. గత ఏడాది సత్య దేవ్ బ్రోచేవారెవరురా, రాగల 24గంటల్లో చిత్రాలలో మంచి ప్రాధాన్యం ప్రాధాన్యం ఉన్న పాత్రలు చేశారు. ఇక ఏడాది మహేష్ సంక్రాంతి బ్లాక్ బస్టర్ సరిలేరు నీకెవ్వరు మూవీలో కూడా కీలక పాత్ర చేయడం జరిగింది. ఇప్పుడిప్పుడే ఎదుగుతున్న ఈ హీరో ఉమామహేశ్వర ఉగ్రరూపశ్య మూవీలో హీరోగా నటిస్తున్న సంగతి తెలిసిందే.

మలయాళ హిట్ మూవీకి తెలుగు రీమేక్ గా వస్తున్న ఈ చిత్రానికి దర్శకుడిగా కంచరపాలెం ఫేమ్ వెంకటేష్ మహా ఉన్నారు. ఈ చిత్ర టీజర్ మరియు సాంగ్స్ సినిమాపై పాజిటివ్ బజ్ క్రియేట్ చేశాయి. మూవీ విజయం ఖాయం అనుకుంటున్న తరుణంలో లాక్ డౌన్ కారణంగా విడుదల వాయిదాపడింది. ఏప్రిల్ లోనే ఈ చిత్రం విడుదల కావాల్సివుండగా, ఇంకెంత సమయం పడుతుందో తెలియని పరిస్థితి. దీనితో మేకర్స్ ఓ టి టి వైపు చూస్తున్నారట.

ఎటూ చిన్న బడ్జెట్ మూవీ కావడంతో ఓ టి టి విడుదల సరైన నిర్ణయం అని భావిస్తున్నారట. మరి ఇదే కనుక జరిగితే హీరో సత్య దేవ్ కి నిరాశ తప్పదు. మంచి మూవీ కొంచెం పేరొస్తుంది అనుకుంటున్న తరుణంలో ఓ టి టి విడుదల ఆయన ఆశలకు గండి కొట్టవచ్చు. ఓ టి టి లో ఈ సినిమాకు మంచి ఆదరణ దక్కినా అది థియేటర్ విజయానికి సాటిరాదు. జనాల్లోకి వెళ్ళాలి, గుర్తింపు రావాలి అంటే థియేటర్స్ విడుదల అవసరం.

Most Recommended Video

మేకప్‌ లేకుండా మన టాలీవుడ్ ముద్దుగుమ్మలు ఎలా ఉంటారో తెలుసా?
జ్యోతిక ‘పొన్‌మగల్‌ వందాల్‌’ రివ్యూ
ఈ డైలాగ్ లు చెప్పగానే గుర్తొచ్చే హీరోయిన్లు!