Mahesh Babu, Trivikram: మహేష్ సినిమాకు అలాంటి డేట్ దొరకడం కష్టమా?

హారిక హాసిని క్రియేషన్స్ బ్యానర్ లో మహేష్ త్రివిక్రమ్ కాంబో మూవీ జూన్ నెల నుంచి మొదలుకానుంది. కొన్ని నెలల క్రితమే ఈ సినిమా మొదలుకావాల్సి ఉన్నా అటు మహేష్ ఇటు త్రివిక్రమ్ వేర్వేరు ప్రాజెక్ట్ లతో బిజీ కావడంతో ఈ సినిమా ఆలస్యమైంది. సర్కారు వారి పాట రిలీజ్ కావడంతో మహేష్ ప్రస్తుతం త్రివిక్రమ్ సినిమాపై దృష్టి పెట్టనున్నారు. వరుస సక్సెస్ లను సొంతం చేసుకున్న త్రివిక్రమ్ మహేష్ సినిమాతో హ్యాట్రిక్ సాధించాలని భావిస్తున్నారు.

ప్రస్తుతం ఈ సినిమా ప్రీ ప్రొడక్షన్ పనులు వేగంగా జరుగుతున్నాయని సమాచారం అందుతోంది. ఈ ఏడాది చివరినాటికి ఈ సినిమా షూటింగ్ పూర్తయ్యే అవకాశాలు అయితే ఉన్నాయి. మహేష్ రాజమౌళి కాంబినేషన్ లో ఒక సినిమా తెరకెక్కాల్సి ఉండటంతో త్రివిక్రమ్ సినిమాను వేగంగానే పూర్తి చేయాలని మహేష్ బాబు భావిస్తున్నారని సమాచారం అందుతోంది. అయితే ఈ సినిమాకు సరైన రిలీజ్ డేట్ దొరకడం సమస్యగా మారుతోంది. ప్రస్తుతం టాలీవుడ్ ఇండస్ట్రీలో రెండు వారాల గ్యాప్ లో ఒక పెద్ద సినిమా చొప్పున విడుదలవుతున్నాయి.

అయితే పెద్ద సినిమాలకు రెండు వారాల గ్యాప్ ఏ మాత్రం సరిపోవడం లేదని కామెంట్లు వినిపిస్తున్నాయి. 2023 సంక్రాంతికి ఆదిపురుష్, హరిహర వీరమల్లు సినిమాలు రిలీజ్ కానున్నాయి. 2023 సమ్మర్ కు పుష్ప2, శంకర్ చరణ్ కాంబో మూవీ విడుదలయ్యే అవకాశాలు ఉన్నాయని తెలుస్తోంది.

మహేష్ బాబు, త్రివిక్రమ్ సరైన రిలీజ్ డేట్ ను ఫిక్స్ చేసుకుంటే మంచిదని కామెంట్లు వినిపిస్తున్నాయి. రిలీజ్ డేట్ విషయంలో పొరపాటు చేస్తే సినిమాల రిజల్ట్ పై ఆ ప్రభావం పడుతుంది. అతడు, ఖలేజా సినిమాల తర్వాత మహేష్, త్రివిక్రమ్ కాంబోలో ఈ సినిమా తెరకెక్కనుండగా మహేష్ ఫ్యాన్స్ తో పాటు త్రివిక్రమ్ ఫ్యాన్స్ కూడా ఈ సినిమా కోసం ఆసక్తిగా ఎదురుచూస్తుండటం గమనార్హం.

సర్కారు వారి పాట సినిమా రివ్యూ & రేటింగ్!

Most Recommended Video

10 ఏళ్ళ ‘గబ్బర్ సింగ్’ గురించి 12 ఆసక్తికరమైన విషయాలు..!
‘చెల్లమ్మ’ టు ‘మ మ మహేషా’.. జోనిత గాంధీ పాడిన 10 సూపర్ హిట్ పాటల లిస్ట్..!
ఎన్టీఆర్- బాలయ్య టు చిరు-చరణ్… నిరాశపరిచిన తండ్రీకొడుకులు కాంబినేషన్లు..!