అందరినీ ఏడిపించనున్న చిరంజీవి

ఖైదీ నంబర్ 150 తర్వాత మెగాస్టార్ చిరంజీవి చేస్తున్న “సైరా నరసింహారెడ్డి” షూటింగ్ వేగంగా సాగుతోంది. తొలి భారతీయ స్వాతంత్ర సమర యోధుడు రేనాటి సూర్యుడు ఉయ్యాలవాడ నరసింహ రెడ్డి జీవితాన్ని డైరక్టర్ సురేందర్ రెడ్డి కళ్లకుకట్టేందుకు ప్రయత్నిస్తున్నారు. కొణిదెల ప్రొడక్షన్స్ బ్యానర్లో రామ్ చరణ్ తేజ్ నిర్మిస్తున్న మూవీ తాజాగా ‘జార్జియా’లో చిత్రీకరణ జరుపుకుంటోంది. అమితాబ్, విజయ్ సేతుపతి, జగపతిబాబు తదితరులు నటిస్తున్న ఈ మూవీ గురించి ఆసక్తికరమైన విషయం బయటికి వచ్చింది. ఈ మూవీ క్లైమాక్స్ లో “సైరా” చనిపోతారని తెలిసింది. నిజంగా ఉయ్యాలవాడ నరసింహ రెడ్డి ని బ్రిటిష్ లు అతి క్రూరంగా చంపేశారు. అలా చనిపోయి ఎంతోమందిలో చైతన్యం కలిగించారు. అదే విధంగా సినిమాలోనూ ఆ సన్నివేశాన్ని చూపించనున్నారు.

ఈ సీన్ లో చిరంజీవి నటన అందరితో కన్నీళ్లు తెప్పిస్తుందని ఫిలిం నగర్ వాసులు చెప్పారు. థియేటర్ నుంచి బయటికి వచ్చేవారు కన్నీళ్లు తుడుచుకుంటూ వస్తారని అంత ఎమోషనల్ గా క్లైమాక్స్ ఉంటుందని తెలిసింది. ఈ చిత్రంలో సైరాకి మొదటి భార్యగా నయనతార, రెండో భార్య గా హ్యూమా ఖురేషి, మూడో భార్యగా ప్రగ్యా జైస్వాల్‌ నటిస్తున్నారు. ఇక తమన్నా ఒక పోరాట వనితగా కనిపించనుంది. అలాగే మెగా ప్రిన్సెస్ నిహారిక గిరిజన అమ్మాయిగా చిన్నరోల్ చేస్తోంది. స్టైలిష్ స్టార్ అల్లు అర్జున్ కూడా ఓ పవర్ ఫుల్ పోషిస్తున్నట్టు సమాచారం. ఇలా ఎక్కువమంది స్టార్స్ నటిస్తున్న ఈ మూవీ వచ్చే ఏడాది ప్రేక్షకుల ముందుకు రానుంది.