ఎన్టీఆర్ (Devara). అభిమానులు ‘దేవర’ రిలీజ్ కోసం ఎంతో ఆసక్తిగా ఎదురుచూస్తున్నారు. 6 ఏళ్ళ తర్వాత ఎన్టీఆర్ (Jr NTR) సోలో హీరోగా రూపొందిన సినిమా ఇది. ‘ఆర్.ఆర్.ఆర్’ (RRR) చిత్రం ఎన్టీఆర్ కి పాన్ ఇండియా లెవెల్లో క్రేజ్ తెచ్చిపెట్టింది కానీ, ఆ సినిమా సక్సెస్ క్రెడిట్ ఎక్కువ శాతం ఎన్టీఆర్ కి దక్కలేదు. ఇది వాస్తవం. అందుకే ‘దేవర’ సక్సెస్ అవ్వాలని.. తిరిగి కాలర్ ఎగరేయాలని వారు ఆశపడుతున్నారు. అయితే నిన్న రిలీజ్ అయిన ట్రైలర్ వారికి కొత్త టెన్షన్ తెచ్చిపెట్టింది.
ఎందుకో ‘ ‘దేవర’ ట్రైలర్ ఆశించిన స్థాయిలో లేదు అని, మరో పాద ఘట్టం సినిమా అని, పార్ట్ 2 డౌటే’ అని ఇలా రకరకాలుగా నెగిటివ్ కామెంట్లు చేస్తున్నారు. సరే అవన్నీ పక్కన పెట్టేస్తే.. ‘దేవర’ ట్రైలర్లో ఎన్టీఆర్ భార్యగా ఓ నటి దర్శనమిచ్చింది. ఈమె గతంలో తెలుగు సినిమాల్లో కనిపించింది లేదు. ఎన్టీఆర్ భార్యగా చేసిన ఆమె ఎవరా? అని అంతా గూగుల్ లో సెర్చ్ చేయడం మొదలుపెట్టారు. అందుతున్న సమాచారం ప్రకారం..
ఈమె పేరు శృతి మరాటే (Shruti Marathe) అని తెలుస్తుంది. గుజరాత్, వడోదర..కి చెందిన ఈమె మరాఠీతో పాటు తమిళ్, హిందీ, కన్నడ సినిమాల్లో కూడా నటించింది. తమిళంలో ఈమెను హేమా మాలిని అంటుంటారు. కెరీర్ ప్రారంభంలోనే ఈమె విచ్చలవిడిగా అందాలు ఆరబోసింది. 2016 లో ఈమె గౌరవ్ ఘట్నేకర్ ను వివాహం చేసుకుంది. తెలుగులో ఈమెకు ‘దేవర’నే మొదటి చిత్రం. ఈ సినిమాలో ఆమె పాత్ర కోసం ఓన్ డబ్బింగ్ కూడా చెప్పుకుందని సమాచారం.
