కోలీవుడ్ స్టార్ హీరో సూర్య నటించిన కొన్ని సినిమాలు బాక్సాఫీస్ వద్ద పెద్దగా ఆడకపోయినా క్లాసిక్స్ గా నిలిచినవి ఉన్నాయి. అందులో ‘సూర్య సన్ ఆఫ్ కృష్ణన్'(తమిళంలో వారనాం ఆయిరం) అనే మూవీ కూడా ఒకటి. ‘ఆస్కార్ ఫిలిం ప్రైవేట్ లిమిటెడ్’ బ్యానర్ పై రూపొందిన ఈ చిత్రాన్ని వి.రవిచంద్రన్ నిర్మించగా గౌతమ్ వాసుదేవ్ మీనన్ డైరెక్ట్ చేయడం విశేషం. సమీరా రెడ్డి, సిమ్రాన్, దివ్య స్పందన.. హీరోయిన్లుగా నటించిన ఈ చిత్రం 2008 నవంబర్ 14 న రిలీజ్ అయ్యింది.
హారిస్ జయరాజ్ సంగీతంలో రూపొందిన పాటలు అద్భుతంగా అనిపిస్తాయి. ఇప్పటికీ ఈ పాటలు వింటూ ఎంజాయ్ చేసే బ్యాచ్ చాలా మందే ఉన్నారు అనడంలో అతిశయోక్తి లేదు. అయితే ఆ టైంలో ఈ సినిమా తెలుగులో పెద్దగా సక్సెస్ కాలేదు. తమిళంలో కూడా అంతంత మాత్రమే ఆడింది. అయితే 15 ఏళ్ళ తర్వాత అంటే 2023 ఆగస్టు 6న ఈ చిత్రం రీ రిలీజ్ అవ్వడం జరిగింది.
ఊహించని విధంగా మొదటి రిలీజ్ లో కంటే కూడా రెండో రిలీజ్ లో ఈ మూవీ ఎక్కువ కలెక్షన్స్ రాబట్టడం విశేషంగా చెప్పుకోవాలి. ఈ సినిమా ఫస్ట్ రిలీజ్ లో అదీ తెలుగు రాష్ట్రాల్లో కేవలం రూ.1 .4 కోట్ల షేర్ ని వసూల్ చేయగా .. సెకండ్ రిలీజ్ లో మాత్రం ఏకంగా రూ.1.8 కోట్ల వరకు షేర్ ను రాబట్టడం జరిగింది. నేటితో ఈ చిత్రం రిలీజ్ అయ్యి 15 ఏళ్ళు పూర్తి కావస్తున్న నేపథ్యంలో ‘ #15YearsForSuryaSoKrishnan ‘ అనే హ్యాష్ ట్యాగ్ సోషల్ మీడియాలో ట్రెండ్ అవుతుంది.
జపాన్ సినిమా రివ్యూ & రేటింగ్!
జిగర్ తండ డబుల్ ఎక్స్ సినిమా రివ్యూ & రేటింగ్!
ఈ వారం థియేటర్/ఓటీటీల్లో రిలీజ్ కాబోతున్న 35 సినిమాలు/సిరీస్..ల లిస్ట్..!
