తెలుగులో బిగ్ బాస్ ఎంత పాపులర్ షోనో ప్రత్యేకించి చెప్పనవసరం లేదు. ఇప్పటికే 5 సీజన్లు సక్సెస్ ఫుల్ గా ముగిసాయి. ఇప్పుడు ‘బిగ్ బాస్ నాన్ స్టాప్’ అంటూ ఓటిటి సీజన్ కూడా మోదలైంది. ఈ షోకి కూడా నాగార్జునే వ్యాఖ్యాతగా వ్యవహరిస్తుండగా కంటెస్టెంట్ల విషయంలో కొన్ని కీలక మార్పులు చోటు చేసుకున్నాయి. గత సీజన్లలో పాల్గొన్న కొంతమంది కంటెస్టెంట్లు వారియర్స్ గా, కొత్త కంటెస్టెంట్ లు చాలా మంది ఛాలెంజర్స్ గా ఎంట్రీ ఇచ్చారు. ఈ లిస్ట్ లో అనిల్ రాథోడ్ కూడా ఒకరు. వివిధ రంగాల్లో రాణిస్తున్న వారిని బిగ్ బాస్ కంటెస్టెంట్లుగా తీసుకొస్తారన్న సంగతి తెలిసిందే. అదే విధంగా మోడలింగ్ రంగంలో పాపులారిటీ సంపాదించుకున్న అనిల్ ను ఈ ‘బిగ్ బాస్ నాన్ స్టాప్’ కు కంటెస్టెంట్ గా తీసుకొచ్చారు. అయితే ఇతని గురించి ఎక్కవ విషయాలు జనాలకి తెలీవు. అలాంటి వారి కోసం అనిల్ రాథోడ్ కు సంబంధించి కొన్ని ఆసక్తికర విషయాలను ఇప్పుడు తెలుసుకుందాం :
1) అనిల్ రాథోడ్ 1994 వ సంవత్సరంలో హైదరాబాద్ లో జన్మించాడు.ప్రస్తుతం ఇతని వయసు 28 సంవత్సరాలు. ఇతను పుట్టిపెరిగింది మొత్తం హైదరాబాద్ లోనే..!
2) బి.టెక్ లో సివిల్ ఇంజనీరింగ్ చేసిన అనిల్ తర్వాత మోడలింగ్ రంగంలోకి అడుగుపెట్టాడు. రిప్రజెన్టేటర్ గా కొన్నాళ్ళు పనిచేసాడు.
3) అయితే అనిల్ మోడలింగ్ రంగంలోకి అడుగుపెట్టడం అతని కుటుంబ సభ్యులకి ఎంత మాత్రం ఇష్టం లేదు. ఎందుకంటే ఇతని కుటుంబంలో అందరూ పోలీస్ ఆఫీసర్లే. ఇతను కూడా పోలీస్ అవుతాడని వాళ్ళు ఆశించారు. కానీ ఇతను మోడలింగ్ రంగం పై ఆసక్తి పెంచుకోవడంతో కాదనలేకపోయారు.
4) మోడల్‌గా కెరీర్‌ ను ప్రారంభించిన అనిల్… TAA సంస్థ ద్వారా బెస్ట్ మోడల్ ఆఫ్ ది ఇయర్, మిస్టర్ తెలంగాణ 2015 మరియు బెస్ట్ మోడల్ – రుబారు మిస్టర్ ఇండియా 2021 వంటి అవార్డులను కూడాగెలుచుకున్నాడు.
5) అంతేకాదు ఇంటర్నేషనల్ ఫ్యాషన్ వీక్ గోవా, బ్రైడల్ ఫ్యాషన్ వీక్, పూణే ఫ్యాషన్ వీక్ మరియు గ్లామ్ ఫ్యాషన్ వీక్ వంటి సర్వల్స్ బ్రాండ్‌లు మరియు పలు ఇంటర్నేషనల్ షోల కోసం ర్యాంప్ వాక్ కూడా చేశాడు అనిల్.
6) 2019 వ సంవత్సరంలో ఇతను టైమ్స్ ఆఫ్ ఇండియా వారు నిర్వహించే మోస్ట్ డిజైరబుల్ మెన్ కు నామినేట్ అయ్యాడు.
7) అనిల్ రాథోడ్ పెట్ లవర్ కూడా..! తన పెట్ తో దిగిన ఫోటోలను కూడా తన సోషల్ మీడియాలో షేర్ చేస్తూ ఉంటాడు.
8) అనిల్ రాథోడ్ ఇన్స్టా ఖాతాకి 31K ఫాలోవర్స్ వరకు ఉన్నారు. అలాగే ఇతనికి సైక్లింగ్ మరియు హార్స్ రైడింగ్ చేయడం కూడా బాగా ఇంట్రెస్ట్.
9) 2019 లో వచ్చిన ‘మిస్టర్ మజ్ను’ చిత్రంతో ఇతను నటుడిగా ఎంట్రీ ఇచ్చాడు. అదే ఏడాది వచ్చిన ‘వెంకీ మామ’ లో కూడా ఇతను నటించాడు.
10) హీరోగా కూడా అనిల్ సినిమాలు చేస్తున్నాడు. ‘సుగ్రీవ’ మరియు ‘అరె ఓ సాంబ’ వంటి చిత్రాలు ప్రస్తుతం సెట్స్ పై ఉన్నాయి.
‘బిగ్ బాస్’ హౌస్ లోకి ఎంట్రీ ఇస్తూనే నెవరు గివ్ అప్ అనే రేంజ్లో గేమ్ ఆడతాను అంటూ అనిల్ చెప్పాడు.
Home