స్టార్ హీరోకు చేదు అనుభవం.. చెప్పు విసరడంతో?

December 19, 2022 / 06:03 PM ISTByFilmy Focus

Join Us

స్టార్ హీరోకు చేదు అనుభవం.. చెప్పు విసరడంతో?

శాండిల్ వుడ్ ఇండస్ట్రీలో స్టార్ హీరోగా దర్శన్ కు ప్రత్యేక గుర్తింపు ఉందనే సంగతి తెలిసిందే. దర్శన్ నటించిన సినిమాలలో మెజారిటీ సినిమాలు కమర్షియల్ గా సక్సెస్ ను సొంతం చేసుకున్నాయి. అయితే స్టార్ హీరో దర్శన్ చాలా సందర్భాల్లో వివాదాస్పద విషయాల ద్వారా వార్తల్లో నిలిచారు. అయితే ఈ హీరోకు తాజాగా చేదు అనుభవం ఎదురైంది. దర్శన్ ప్రస్తుతం క్రాంతి అనే టైటిల్ తో తెరకెక్కుతున్న సినిమాలో నటిస్తున్నారు.

2023 సంవత్సరం జనవరి నెలలో ఈ సినిమా థియేటర్లలో విడుదల కానుంది. ఈ సినిమాలోని సెకండ్ సాంగ్ ను రిలీజ్ చేయడానికి దర్శన్, చిత్ర బృందం హోస్పేట్ లో ఏర్పాటు చేసిన వేడుకలో పాల్గొన్నారు. స్టేజ్ పై నటీనటులు మాట్లాడుతున్న సమయంలో ఒక వ్యక్తి దర్శన్ పై చెప్పు విసిరారు. ఊహించని ఘటన చోటు చేసుకోవడంతో చిత్రయూనిట్ ఒక్కసారిగా షాక్ కావడం గమనార్హం. అయితే దర్శన్ మాత్రం ఆ వ్యక్తిని ఏమీ చేయవద్దని సూచించారు.

కొన్నిరోజుల క్రితం దర్శన్ మాట్లాడుతూ అదృష్ట లక్ష్మిపై వివాదాస్పద వ్యాఖ్యలు చేయగా ఆ వ్యాఖ్యలు చాలామందికి ఆగ్రహం కలిగించాయి. ఆ వ్యాఖ్యల వల్లే దర్శన్ కు చేదు అనుభవం ఎదురైందని కొంతమంది నుంచి కామెంట్లు వ్యక్తమవుతున్నాయి. గతంలో దర్శన్ తన భార్య విషయంలో ప్రవర్తించిన తీరు వల్ల విమర్శల పాలయ్యారు. దర్శన్ కు వరుస షాకులు తగులుతుండటం ఫ్యాన్స్ ను సైతం ఒకింత హర్ట్ చేస్తోంది.

దర్శన్ వివాదాలకు దూరంగా ఉండాలని కొంతమంది ఫ్యాన్స్ సలహాలిస్తున్నారు. వరుస వివాదాల వల్ల దర్శన్ పరువు పోతుందని కామెంట్లు వ్యక్తమవుతున్నాయి. ప్రేక్షకుల్లో నెగిటివిటీ పెరుగుతున్న నేపథ్యంలో దర్శన్ ఇకనైనా వివాదాలకు, వివాదాస్పద అంశాలకు దూరంగా ఉంటారేమో చూడాల్సి ఉంది. దర్శన్ పై పెరుగుతున్న వ్యతిరేకత ఆయన నటిస్తున్న సినిమాల ఫలితాలపై కూడా ప్రభావం చూపే ఛాన్స్ అయితే ఉంది.