స్కూల్ డేస్ కి తీసుకెళ్లిన “ఉపాధ్యాయులు”

యువతకు సంబంధించిన అంశాలను తీసుకుని క్యూట్ చిత్రాలతో ఫన్ క్రియేట్ చేసే ‘మహాతల్లి’ .. ఈ సారి వెనక్కు వెళ్లింది. బాల్యంలో పాఠాలు చెప్పిన టీచర్ల తిట్లను సరదాగా మలిచింది. “ఉపాధ్యాయులు” అనే బుజ్జి చిత్రంతో అందరికీ స్కూల్ డేస్ ని గుర్తు చేసింది. మెదడులో నిద్రపోతున్న జ్ఞాపకాలను తట్టి లేపింది.

పాఠం వినేందుకు పాట్లు..
వింత జంతువులతో తిట్టే సోషల్ టీచర్… ఎందుకు నవ్వుతున్నామో తెలియక నవ్వే విద్యార్థులు.. లంచ్ అవర్ తర్వాత నిద్ర పోయి ఇరుక్కున్న అమ్మాయి, మార్కులు బాగా తెచ్చుకోలేని అబ్బాయి, విసుగుతో ఇలాంటి బ్యాచ్ ని ఇంత వరకు చూడలేదని చెప్పిన లెక్కలు మాస్టారు.. అడుక్కుతింటావా అని అరిచిన సైన్స్ టీచర్.. ఇలా ఏదోక టీచర్ తో ప్రతి స్టూడెంట్ కి తీపి అనుభవం ఉంటుంది. వాటన్నింటి పొట్లమే “ఉపాధ్యాయులు”. ఒక్కొక్క తిట్టు వింటుంటే చిన్నపుడు చెమటలు పట్టేవి.. ఇప్పుడు చూస్తుంటే తెలియకుండానే నవ్వు వస్తోంది. టీచర్ టాపిక్ తో నవ్వించే ప్రయత్నంలోను జాహ్నవి బృందం మంచి మార్కులను సాధించింది. ఇటువంటి కాన్సెప్ట్ తో వీడియోలు అరుదుగా వస్తుంటాయి.. అలా విడుదలైనప్పుడే చూసెయ్యాలి. ఇంకెందుకు ఆలస్యం.. మీరు ఓ లుక్కేయండి.

https://www.youtube.com/watch?v=cdXTeXM2un4