ఆరు సినిమాల రిలీజ్.. ఒక్కటైనా హిట్ అవుతుందా..?

August 29, 2022 / 04:23 PM ISTByFilmy Focus

Join Us

ఆరు సినిమాల రిలీజ్.. ఒక్కటైనా హిట్ అవుతుందా..?

ప్రతి శుక్రవారం వచ్చే కొత్త సినిమాల కోసం మూవీ లవర్స్ ఆసక్తిగా ఎదురుచూస్తుంటారు. గత వారంలో విడుదలైన ‘లైగర్’ సినిమా డిజాస్టర్ కావడంతో.. చాలా మంది సినిమాను ఓటీటీలో చూసుకుందామని లైట్ తీసుకున్నారు. అందుకే ‘సీతారామం’, ‘బింబిసార’ సినిమాలు పాతిక రోజులకు దగ్గరగా ఉన్నా కూడా వీకెండ్ లో చాలా చోట్ల హౌస్ ఫుల్ బోర్డ్స్ పెద్దాయి. ఇక ‘కార్తికేయ2’ సినిమా గురించి ప్రత్యేకంగా చెప్పనక్కర్లేదు. ఈ సినిమా టికెట్స్ ఇప్పటికీ హాట్ కేకుల్లా అమ్ముడుపోతున్నాయి.

ఇప్పుడు ఈ సినిమాలన్నీ చూసేసినవాళ్లు కొత్త సినిమాల కోసం చూస్తున్నారు. రాబోయే శుక్రవారం సెప్టెంబర్ 2న మొత్తం అరడజను సినిమాలు అదృష్టాన్ని పరీక్షించుకోబోతున్నాయి. అందులో మొదటి సినిమా ‘రంగ రంగ వైభవంగా’. వైష్ణవ్ తేజ్ హీరోగా నటిస్తోన్న ఈ సినిమాకి ప్రమోషన్స్ బాగానే చేస్తున్నారు. కానీ అంత బజ్ మాత్రం రావడం లేదు. మంచి టాక్ వస్తేనే సినిమా నిలదొక్కుకుంటుంది. రెండో సినిమా ‘ఫస్ట్ డే ఫస్ట్ షో’. పవన్ కళ్యాణ్ ఫ్యాన్స్ ని టార్గెట్ చేస్తూ ఈ సినిమా కథ రాసుకున్నారు.

ఈ సినిమాకి ‘జాతిరత్నాలు’ దర్శకుడు అనుదీప్ కథ అందించారు. ప్రమోషన్స్ పనులు కూడా ఆయనే చూసుకుంటున్నారు. వీటితో పాటు ‘బుజ్జి ఇలా రా’ సినిమాను కూడా అదే రోజున విడుదల చేయనున్నారు. ఇవి కాకుండా ‘డైహార్డ్ ఫ్యాన్’, ‘ఆకాశ వీధుల్లో’, ‘నా వెంటపడుతున్న చిన్నవాడెవరమ్మా’ వంటి సినిమాలు కూడా విడుదల కాబోతున్నాయి.

ఈ సినిమాలు కాకుండా.. వీటికంటే ముందు ఆగస్టు 31న విక్రమ్ ‘కోబ్రా’ సినిమా రిలీజ్ కానుంది. డబ్బింగ్ సినిమా అయినప్పటికీ తెలుగులో కూడా ప్రమోషన్స్ జోరుగా చేస్తున్నారు. మరి ఈ సినిమాల్లో ఎన్ని హిట్ అవుతాయో చూడాలి!