‘ఉప్పెన’ సినిమా చూసేవారికి ‘జల జల జలపాతం…’ పాట గురించి ప్రత్యేకంగా చెప్పక్కర్లేదు. కుర్రాకారును గిలిగింతలు పెట్టిన ఈ పాటను ఇంత త్వరగా మరచిపోలేరు. సినిమా చూడని వారైతే మొన్నీ మధ్య విడుదల చేసి వీడియో సాంగ్‌ ఒకసారి చూడండి. విజువల్‌ వండర్‌గా రూపొందిన పాట ఇది. సముద్రం మధ్యలో అలలపై, బోటులో హీరోహీరోయిన్లు ప్రేమాట ఆడుకుంటున్నట్లు ఆ పాట రూపొందించారు. మరి అంతటి గొప్ప పాటను ఎలా షూట్‌ చేశారో తెలుసుకోవాలి కదా… అందుకే చిత్రబృందం మేకింగ్‌ వీడియోను విడుదల చేసింది.
‘జల జల జలపాతం..’ పాటను చూసినంతసేపు ఇదేదో సముద్రంలోకి వెళ్లి తీసిన పాట అనుకుంటారు కానీ… ఆ తర్వాత ఆ అలలు, చీకటి అంతా గ్రాఫిక్‌ అని తెలిసిపోతుంది. మరి ఆ అబద్ధాలు ఏవీ లేకుండా, నిజం పాట ఎలా చేశారో దిగువ వీడియోలో చూసేయొచ్చు. ఇలాంటి పాట షూట్‌ చేయడం ఎంత కష్టమో, లైవ్లీగా ఉండేలా పడవ, నీళ్లు సిద్ధం చేయడమూ అంతే కష్టం. కానీ బుచ్చిబాబు సానా టీమ్ చక్కగా చేసింది. ఇక వైష్ణవ్‌, కృతి శెట్టి నటన గురించి ప్రత్యేకంగా చెప్పాలా…
ఈ మేకింగ్‌ వీడియో చూశాక.. కచ్చితంగా ఆ పాటను మరోసారి చూడాలని అనిపిస్తుంది. సినిమా చూడాలని అనిపిస్తే చూసేయొచ్చు. మీ దగ్గర్లో థియేటర్లలో లేదు అనుకుంటే కొన్ని రోజులు ఆగండి. ఈ నెల 14న సినిమాను నెట్‌ఫ్లిక్స్‌ వేదికగా విడుదల చేయబోతున్నారు. మైత్రీ మూవీ మేకర్స్‌ నిర్మించిన ఈ సినిమాకు బుచ్చిబాబు దర్శకుడు.
వైల్డ్ డాగ్ సినిమా రివ్యూ & రేటింగ్!
సుల్తాన్ సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!
Home