ఈ మధ్య కాలంలో తెలుగులో కొత్తదనం ఉన్న కథలతో తెరకెక్కిన సినిమాలు అంచనాలను మించి సక్సెస్ అవుతున్న సంగతి తెలిసిందే. అలా సక్సెస్ అయిన సినిమాలలో ఉప్పెన ఒకటి. 100 కోట్ల రూపాయల గ్రాస్ కలెక్షన్లను సాధించిన ఉప్పెన 2021 సంవత్సరం బిగ్గెస్ట్ బ్లాక్ బస్టర్ హిట్లలో ఒకటిగా నిలిచిన సంగతి తెలిసిందే. తాజాగా ఉప్పెన సినిమా డిలేటెడ్ సీన్లను చిత్రయూనిట్ యూట్యూబ్ లో అప్ లోడ్ చేసింది. ఉప్పెన చిత్రయూనిట్ అప్ లోడ్ చేసిన సీన్లలో కాలనీలో ఉండే అమ్మాయికి కొత్త డ్రెస్ కొని ఇచ్చి ఆ అమ్మాయి ద్వారా బేబమ్మకు లవ్ లెటర్ ఇవ్వాలని అశీ ప్రయత్నిస్తాడు.
ఆ అమ్మాయి ఇవ్వనని చెప్పడంతో అశీ ఆ అమ్మాయి కాళ్లు కూడా పట్టుకుంటాడు. జానపద పాటతో వచ్చే ఈ డిలేటెడ్ సీన్ ఎంతో బాగుంది. సినిమాలో ఈ సీన్ ఉంటే బాగుండేదని కొందరు నెటిజన్లు అభిప్రాయం వ్యక్తం చేస్తుండటం గమనార్హం. విజయ్ సేతుపతి, రాజీవ్ కనకాల మధ్య వచ్చే సీన్ కూడా బాగుంది. ఉప్పెన డైరెక్టర్ బుచ్చిబాబు సానా తొలి సినిమా అయినా ఎంతో అనుభవం ఉన్న దర్శకుడిలా ఉప్పెన సినిమాను తెరకెక్కించి బ్లాక్ బస్టర్ హిట్ సాధించారు.
చిత్రయూనిట్ మరికొన్ని డిలేట్ అయిన సీన్లను విడుదల చేస్తుందేమో చూడాల్సి ఉంది. సినిమా నిడివి ఎక్కువ కావడంతో ఈ సీన్స్ ను తొలగించినట్టు తెలుస్తోంది. ఉప్పెన సినిమా రిలీజైన తరువాత ఈ సినిమాలో హీరోహీరోయిన్లుగా నటించిన వైష్ణవ్ తేజ్, కృతిశెట్టిలకు వరుసగా ఆఫర్లు వస్తున్నాయి. దర్శకుడు బుచ్చిబాబు సానా కొత్త ప్రాజెక్ట్ కు సంబంధించిన వివరాలు తెలియాల్సి ఉంది.
రంగ్ దే సినిమా రివ్యూ & రేటింగ్!
అరణ్య సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!
Home