Urvashi Rautela: చిరుతోనే కాదు అల్లు అర్జున్ తో కూడా చిందేయడానికి రెడీగా ఉందట..!

అల్లు అర్జున్ – సుకుమార్ కాంబినేషన్లో ‘ఆర్య’ ‘ఆర్య2’ వంటి చిత్రాల తర్వాత వచ్చిన ‘పుష్ప'(పుష్ప ది రైజ్) చిత్రం ఎంత పెద్ద బ్లాక్ బస్టర్ అయ్యిందో ప్రత్యేకంగా చెప్పనవసరం లేదు. మొదట మిక్స్డ్ టాక్ ను మూటగట్టుకున్న ఈ మూవీ అప్పటికి పెద్ద సినిమాలు ఎక్కువగా లేకపోవడంతో బాక్సాఫీస్ వద్ద వసూళ్ల వర్షం కురిపించింది. అల్లు అర్జున్ కెరీర్ లోనే ఈ మూవీ బిగ్గెస్ట్ బ్లాక్ బస్టర్ గా నిలిచింది. ముఖ్యంగా నార్త్ లో ఈ మూవీ రూ.108 కోట్ల నెట్ కలెక్షన్లను సాధించి ఔరా అనిపించింది.

ఈ చిత్రంలో సమంత ‘ఉ అంటావా మావా ఉఊ అంటావా మావ’ అనే ఐటెం సాంగ్ తో దేశం మొత్తం ఓ ఊపు ఊపేసింది. ఈ సాంగ్ వివాదాస్పదమైంది అలాగే సినిమాకి బోలెడంత పబ్లిసిటీని తెచ్చిపెట్టింది. నిజానికి ఈ సాంగ్ కోసం ఊర్వశి రౌతేలాని తీసుకోవాలి అనుకున్నాడు దర్శకుడు సుకుమార్. కానీ ఆ టైంకి ఈమె కాల్ షీట్లు బిజీగా ఉండడంతో చేయలేకపోయింది. అయితే ‘పుష్ప2′(పుష్ప ది రూల్) లో ఊర్వశితో ఓ ఐటెం సాంగ్ చేయించాలని భావిస్తున్నాడట సుకుమార్.

ఈసారి ‘పుష్ప 2’ లో భాగమయ్యే ఛాన్స్ ను మిస్ చేసుకోకూడదు అని ఈమె భావిస్తున్నట్లు వినికిడి. ‘ఉ అంటావా మావా ఉఊ అంటావా మావ’ ని మించి ఉండేలా దేవిని ట్యూన్ ను కంపోజ్ చేయమని చెప్పాడట. ‘ఉ అంటావా మావా ఉఊ అంటావా మావ’ అనేది స్లో బీట్.. అయితే ‘పుష్ప2’ లో మాత్రం ఈ ఐటెం సాంగ్ ఫాస్ట్ బీట్ అయ్యి ఉంటుంది అని వినికిడి.

ఆల్రెడీ కొన్ని ట్యూన్స్ ను ఫైనల్ చేశాడు సుకుమార్. అందుకోసం మ్యూజిక్ సిట్టింగ్స్ కూడా ఎక్కువ రోజులే వేశారు. మరోపక్క ఊర్వశి రౌతేలా.. చిరుతో కలిసి ‘బాసు వేర్ ఈజ్ ది పార్టీ’ అంటూ ‘వాల్తేరు వీరయ్య’ లో కూడా చిందేసిన సంగతి తెలిసిందే.

లవ్ టుడే సినిమా రివ్యూ& రేటింగ్!
తోడేలు సినిమా రివ్యూ & రేటింగ్!

ఇట్లు మారేడుమిల్లి ప్రజానీకం సినిమా రివ్యూ & రేటింగ్!
ఇప్పటి వరకు బాలయ్య పేరుతో వచ్చిన పాటలు ఇవే..