సూపర్ స్టార్ మహేష్‌బాబు అంటే సాధారణ అమ్మాయిలకే కాదు.. స్టార్ హీరోయిన్లకు ఇష్టమే. ప్రిన్స్ తో నటించాలని చాలామంది కలలుకంటుంటారు. టాలీవుడ్ భామలే కాదు బాలీవుడ్ హీరోయిన్లు కూడా మహేష్ తో నటించే ఛాన్స్ ఎప్పుడు వస్తుందా? అని ఎదురుచూస్తుంటారు. ఈ జాబితాలో దీపిక పదుకొనే, సోనాక్షి సిన్హా తదితరులు ఉన్నారు. ఈ లిస్టులోకి తాజాగా స్లిమ్ బ్యూటీ ఊర్వశి రౌతెలా చేరింది. బాలీవుడ్‌లో బికినీ అందాలతో ఒక ఊపు ఊపిన ఊర్వశికి మహేష్ అంటే చాలా ఇష్టమట.
రీసెంట్ గా ఈమె మీడియాతో మాట్లాడుతూ “నాకు తెలుగు సినిమాల్లో నటించాలని ఉంది. ముఖ్యం గా మహేష్ తో ఒక సినిమా అయినా చేయాలనీ ఉంది” అని తన మనసులోని మాటను బయట పెట్టింది. పైగా నిర్మాతలకు మరో బంపర్ ఆఫర్ కూడా ప్రకటించింది. “మహేష్ సినిమాలో అవకాశమిస్తే రెమ్యునరేషన్ అవసరం లేదు” అని సంచలన కామెంట్స్ చేసింది. మరి ఊర్వశి ఆఫర్ ని ఏ నిర్మాత వినియోగించుకుంటారో చూడాలి.
Also, do SUBSCRIBE to our YouTube channel to get latest Tollywood updates.
